Uchquloch

Учқулоч — Ўзбекистон Республикаси Жиззах вилояти Фориш туманидаги шаҳарча (1983-йилдан). Шимоли-шарқдан Айдаркўл соҳилларига ёндош. Туман маркази (Фориш)дан 12 км шимолда жойлашган. Яқин темир йўл стансияси — Жиззах (64 км). Ахолией 4,7 минг кишини ташкил этади (2004).

Шаҳарчанинг тарихий номи „Хонбанди“ Х асрда қорахонийлар томонидан қурилган катта сув иншооти — тўғондан олинган (ҳозиргача сақланган). Тўғон тарашланган гранит ва чидамли махсус қоришмадан бунёд этилган. Унинг ёнида сув омбори бўлган. Вақт ўтиб сойлардан оқиб келган чўкиндилар, лойқа сув омборини тўлдириб, тўғонни яроқсиз аҳволга келтирган. Шундан сўнг одамлар бу ердан кўчиб кетгач, яшнаган воҳа дашт, чўлга айланган.

1930-йилларда Пистали тоғ тизмасида қўрғошин, рух конлари топилиши муносабати билан Учқулоч яйловида 1960— 70 йилларда Учқулоч кончилар посёлкаси барпо этилган. Хонбанди тўғонидан 1,5 км жанубида шаҳарча қурилди. Унга Учқулоч номи берилди. Кончилар посёлкаси ҳам Учқулоқга ҳам қўшилди.

Учқулоқда, асосан, кон саноати ривожланган. Олмалиқ конметаллургия ктининг руда кони, Ғаллаорол геологияразведка экспедициясининг гуруҳи, „Девон“ корхонаси (мармар қазиб олинади), „Фортекс“ хусусий корхонаси (жунни қайта ишлайди), 2 умумий таълим мактаби, касалхона, поликлиника, туғруқхона, савдо, алоқа ва коммунал хизмат кўрсатиш корхоналари ва бошқа фаолият кўрсатади. Шаҳарчага Олмалиқ — Учқулоқ, Жиззах — Учқулоқ, Янгиқишлоқ —Учқулоқ йўналишлари бўйича автобуслар қатнови йўлга қўйилган.