Umar afandi masjidi
| Масжид | |
 | |
| Мамлакат |  Озарбайжон
|
| Шаҳар | Шаки |
| Координаталар | 41°12′02″Н 47°11′16″Э / 41.20050°Н 47.18780°Э |
| Меъморий услуб | Ислом меъморчилиги |
| Бинокорлик санаси | ХИХ аср |
| Умумий майдони | 525 м2 |
| Қурилиш материали | тош, ғишт |
Умар Афанди масжиди (озарбайжонча: Öмəр Əфəнди мəсcиди) – Озарбайжоннинг Шаки шаҳрида жойлашган ХИХ асрга оид тарихий ва меъморий ёдгорлик[1].
Тарихи
ХИХ асрда қурилган Умар афанди масжиди бугунги кунгача ўзининг асл қиёфасини сақлаб қолган масжидлардан бири ҳисобланади[2]. Совет истилосидан кейин масжид биносидан омбор сифатида фойдаланилган. 1950-йилдан сўнг эса ўз фаолиятини қайта тиклай бошлаган. 1986-йилда табиий офат натижасида Умар афанди масжиди ёниб кетган. 1987-йилда Шаки Жума масжиди имом-хатиби Ҳожи Салим афанди ташаббуси ҳамда маҳаллий аҳолининг хайр-эҳсонлари билан масжид таъмирланиб, қайта тикланган.
Шаки шаҳридаги Умар Афанди масжидининг диний жамоаси Озарбайжон Республикаси Диний бирлашмалар билан ишлаш давлат қўмитаси томонидан расман рўйхатга олинган[3].
Тавсифи ва архитектураси
Умар афанди масжиди тўртбурчак шаклда қурилган. Фасаддаги ғиштли карниз, шунингдек, деразалар орасидаги деворлар бироз чиқиб турувчи юпқа нақшлар билан безатилган бўлиб, бинонинг меъморий кўринишини янада яхшилайди.
Масжиднинг майдони 105 м2, қўшни участканинг ҳудуди 525 м2 ни ташкил қилади. Масжид қурилишида тош, пишган ғишт каби маҳаллий қурилиш материалларидан фойдаланилган. Томи темир шифер билан қопланган, пол ва шифти ёғочдан қилинган.
Масжиднинг кириш эшиги олдида очиқ балкон бор. Намозхонлар масжид ҳовлисида жойлашган ҳовузда таҳорат олиб, сўнг кенг ва ёруғ залга кириб намоз ўқишлари мумкин[4]. Асосий намоз залида 14 та дераза мавжуд. Ушбу намозхонанинг олд томонида ундан ҳам каттароқ намоз ўқиш зали жойлашган бўлиб, умумий майдони 80 м2 ни ташкил этади, шундан 45 м2 майдон аёлларга берилган, қолган қисми эса йўлак сифатида ишлатилади.
Масжид минбари ёғочдан ясалган бўлиб, қўлда ясалган нафис нақшлар билан безатилган. Гулли безаклар билан ишлов берилган меҳробнинг баландлиги 3 метрни ташкил қилади.
Масжиднинг пишган ғиштдан қурилган минораси юмалоқ шаклга эга, баландлиги 14 м[5]. Масжиднинг бош мажмуасига кирувчи миноранинг ғиштдан ишланган нақшлари масжид ҳунармандларининг қанчалар маҳоратли бўлганлигини кўрсатиб беради.
Галерея
Яна қаранг
Манбалар
- ↑ „Öмəр Əфəнди мəсcиди“ (аз). шеки.ҳеритаге.орг.аз. 2019-йил 13-мартда асл нусхадан архивланган. Қаралди: 2021-йил 23-июл.
- ↑ „Şəкинин мəдəни-тарихи абидəлəри / Cултурал анд ҳисториcал монуменц оф Шеки“ (аз). анл.аз (2013-йил 24-октябр). 2016-йил 5-мартда асл нусхадан архивланган. Қаралди: 2021-йил 27-июл.
- ↑ „Религиозные общества“. Министерство культуры и туризма Азербайджанской Республики. 2013-йил 19-июлда асл нусхадан архивланган.
- ↑ Оркҳан Али. „İбадəт эвлəри: ҳансı раёнда неcə мəсcид вар? - В ЙАЗИ“ (аз). модерн.аз (2012-йил 27-апрел). 2021-йил 27-июлда асл нусхадан архивланган. Қаралди: 2021-йил 27-июл.
- ↑ Азəрбайcан Республикасı Мəсcидлəринин Энсиклопедиясı. Баку: Бейнəлхалқ Əлҳуда, 2001 — 297-бет. ИСБН 964-8121-59-1.
Ҳаволалар
 |
Викиомборда „Умар афанди масжиди“ мавзуси бўйича медиафайллар бор. |