UzChess Cup 2025

UzChess Cup 2025 – 2025-yil 18-iyundan 28-iyunga qadar jahonning ekstroklassdagi yetakchi shaxmatchilari oʻrtasida Toshkent shahrida boʻlib oʻtadigan xalqaro shaxmat turniri^[1]. UzChess Cup turniri tashkilotchilari: Yoshlar ishlari agentligi, Oʻzbekiston shaxmat federatsiyasi va Yoshlar ishlari agentligining „Uzchess“ loyihasi hisoblanishadi. Turnirning mukofot jamgʻarmasi 121.500 AQSH dollarini tashkil etadi^[2].

Turnir qoidalari

Vaqtni nazorat qilish: Klassik. birinchi 40 harakat uchun 90 daqiqa, shuningdek, 40-harakatdan keyin qoʻshimcha ravishda 30 daqiqa (faqat Masters guruhi uchun) va har bir yurish uchun 30 soniya qoʻshiladi^[3].
Turnir 9 turdan iborat.
Mukofot jamgʻarmasi: 121.500 AQSh dollari.
Gʻalaba uchun 1 ochko, durang uchun 1/2 ochko beriladi. Turnir oxirida eng koʻp ball toʻplagan oʻyinchi gʻolib hisoblanadi.

„Masters“ guruhi FIDE reytingi 2700 va undan yuqori boʻlgan shaxmatchilar. „Masters“ guruhi uchun mukofot jamgʻarmasi 80 000 AQSh dollarini tashkil etdi.

Oʻrin	Pul mukofoti	Oʻrin	Pul mukofoti
1	20 000 dollar	6	6 000 dollar
2	15 000 dollar	7	5 000 dollar
3	10 000 dollar	8	4 000 dollar
4	8 000 dollar	9	3 000 dollar
5	7 000 dollar	10	2 000 dollar

„Challengers“ guruhi FIDE reytingi 2600 va undan yuqori boʻlgan shaxmatchilar. „Challengers“ guruhi uchun mukofot jamgʻarmasi 25 000 AQSh dollarini tashkil etdi.

Oʻrin	Pul mukofoti	Oʻrin	Pul mukofoti
1	6 000 dollar	6	1 500 dollar
2	5 000 dollar	7	1 000 dollar
3	4 000 dollar	8	1 000 dollar
4	3 000 dollar	9	800 dollar
5	2 000 dollar	10	700 dollar

„Futures“ guruhi FIDE reytingi 2500 va undan yuqori boʻlgan shaxmatchilar. „Futures“ guruhi uchun mukofot jamgʻarmasi 11 500 AQSh dollarini tashkil etdi.

„Open“ guruhi FIDE reytingi cheklanmagan. „Open“ guruhi uchun mukofot jamgʻarmasi 5 000 AQSh dollarini tashkil etdi. Ushbu guruhda ayollar oʻrtasida birinchi oʻrin uchun 300 AQSh dollari, ikkinchi oʻrin uchun 200 AQSh dollari taqdim etiladi.