UzChess Cup 2025

УзЧесс Cуп 2025 – 2025-йил 18-июндан 28-июнга қадар жаҳоннинг экстроклассдаги етакчи шахматчилари ўртасида Тошкент шаҳрида бўлиб ўтадиган халқаро шахмат турнири^[1]. УзЧесс Cуп турнири ташкилотчилари: Ёшлар ишлари агентлиги, Ўзбекистон шахмат федерацияси ва Ёшлар ишлари агентлигининг „Узчесс“ лойиҳаси ҳисобланишади. Турнирнинг мукофот жамғармаси 121.500 АҚСҲ долларини ташкил этади^[2].

Турнир қоидалари

Вақтни назорат қилиш: Классик. биринчи 40 ҳаракат учун 90 дақиқа, шунингдек, 40-ҳаракатдан кейин қўшимча равишда 30 дақиқа (фақат Мастерс гуруҳи учун) ва ҳар бир юриш учун 30 сония қўшилади^[3].
Турнир 9 турдан иборат.
Мукофот жамғармаси: 121.500 АҚШ доллари.
Ғалаба учун 1 очко, дуранг учун 1/2 очко берилади. Турнир охирида энг кўп балл тўплаган ўйинчи ғолиб ҳисобланади.

„Мастерс“ гуруҳи ФИДЕ рейтинги 2700 ва ундан юқори бўлган шахматчилар. „Мастерс“ гуруҳи учун мукофот жамғармаси 80 000 АҚШ долларини ташкил этди.

Ўрин	Пул мукофоти	Ўрин	Пул мукофоти
1	20 000 доллар	6	6 000 доллар
2	15 000 доллар	7	5 000 доллар
3	10 000 доллар	8	4 000 доллар
4	8 000 доллар	9	3 000 доллар
5	7 000 доллар	10	2 000 доллар

„Чалленгерс“ гуруҳи ФИДЕ рейтинги 2600 ва ундан юқори бўлган шахматчилар. „Чалленгерс“ гуруҳи учун мукофот жамғармаси 25 000 АҚШ долларини ташкил этди.

Ўрин	Пул мукофоти	Ўрин	Пул мукофоти
1	6 000 доллар	6	1 500 доллар
2	5 000 доллар	7	1 000 доллар
3	4 000 доллар	8	1 000 доллар
4	3 000 доллар	9	800 доллар
5	2 000 доллар	10	700 доллар

„Футурес“ гуруҳи ФИДЕ рейтинги 2500 ва ундан юқори бўлган шахматчилар. „Футурес“ гуруҳи учун мукофот жамғармаси 11 500 АҚШ долларини ташкил этди.

„Опен“ гуруҳи ФИДЕ рейтинги чекланмаган. „Опен“ гуруҳи учун мукофот жамғармаси 5 000 АҚШ долларини ташкил этди. Ушбу гуруҳда аёллар ўртасида биринчи ўрин учун 300 АҚШ доллари, иккинчи ўрин учун 200 АҚШ доллари тақдим этилади.