Vadim Finkelshteyn
Вадим Григоревич Финкелштейн (1964-йил 14-август; Фарғона, Ўзбекистон ССР) – россиялик тадбиркор, „М-1 Глобал“ халқаро компанияси президенти. Вадим Финкелштейн ММА Империа кийимлари тармоғининг асосчиси.
| Вадим Фринкелштейн | |
|---|---|
| русча: Вадим Григорьевич Финкельштейн | |
| Таваллуди |
1964-йил 14-август |
| Фуқаролиги |
 СССР Россия\ |
| Касби | тадбиркор |
Ёшлиги
1964-йил 14-августда уруш йилларида оиласи эвакуация қилинган Фарғона (Ўзбекистон ССР) шаҳрида туғилган. 1970-йилда Финкелштейнлар Ленинградга қайтиб келишган. Вадим 14 ёшлигида онаси вафот этган. Вадимнинг Евгений Финкелштейн исмли укаси бор.
20 ёшига қадар Финкелштейн сотувчи бўлиб ишлаган, кейинчалик бешта бўлим бошлиғи бўлган. 21 ёшида мева-сабзавот савдоси билан шуғулланадиган „Аромат“ кооперативига асос солган. Кейин ўзбек ресторанини очган. 90-йилларнинг бошларида Вадим Голландияга жўнаб кетган. Бир йил ўтгач, Финкелштейн Россия бозорини Роял спирти билан таъминлай бошлаган. Шу билан бирга, Россияга гўштни улгуржи етказиб бериш билан шуғулланувчи Инфин Гала Интернатионал компаниясини Голландияда рўйхатдан ўтказган.
РЕД ДЕВИЛ
1995-йилда Вадим Финкелштейн буйруғи билан голландиялик мутахассислар „РЕД ДЕВИЛ“ энергетик ичимлигини ишлаб чиққанлар[1]. Энергия бозоридаги фаолияти Европа аралаш яккакурашлари турнирлари ташкилотчиларининг эътиборидан четда қолмайди, улар чемпионатлардан бирининг ҳомийси бўлиш учун янги ишлаб чиқарувчига мурожаат қилишади.
ММА бўйича профессионал жанглар
1997-йилда „РЕД ДЕВИЛ“ спорт клуби негизида Санкт-Петербургда аралаш яккакурашлар федерацияси ташкил этилган. Ўша йили Вадим Россияда Европа очиқ чемпионати мақомини олган ва „Юбилейний“ спорт мажмуаси аренасида бўлиб ўтган аралаш яккакурашлар (ММА ёки аралаш яккакурашлар – аралаш жанг санъати) бўйича биринчи турнирни ташкил қилган. Ушбу турнирнинг ташкил этилиши муваффақиятли бўлганини кўриб, Вадим йилига бир нечта турнирларни ташкил қила бошлаган, унда: Фёдор Эмеляненко, Жефф Монсон ва бошқа таниқли спортчилар иштирок этган. 2008-йилда „М-1 Глобал“ аралаш яккакураш лигаси ташкил этилган (компания президенти томонидан), Японияда М-1 Яреннока қўшма турнирини ўтказган.
Вадим Фёдор Эмеляненко 2003-йилдан 2012-йилгача спортни тарк этгунга қадар бирга ишлаган. Шунингдек, 2008-йилда Вадим Финкелштейн янги лойиҳа – дунёнинг бир қанча: Россия, Голландия, Буюк Британия, Финландия ва бошқа мамлакатларида ўтказилган „М-1 Чалленге“ клублари ўртасидаги халқаро жаҳон чемпионатига асос солган. 2008-йил Санкт-Петербург (Россия) клуби – „РЕД ДЕВИЛ“ ғолиб бўлган. 2009-йилда Вадим М-1 Селеcтион лойиҳасини ишга туширган. 2014-йил 7-июн куни Ингушетияда бўлиб ўтган М-1 Чалленге 49 турнири денгиз сатҳидан 1500 м дан ортиқ баландликдаги энг оммавий мусобақа бўлиб, Россия рекордлар китобига кирган[манба керак]. Турнир 23255 нафар томошабинни жамлаган.
ММА ҳаваскор спорт турлари
2012-йил 16-майда Россия ММА иттифоқи ташкил этилган. Вадим Иттифоқнинг вице-президенти бўлган. Фёдор Эмеляненко эса президент этиб сайланган. Федор ва Вадимнинг илтимосига биноан аралаш яккакурашлар (ММА) 2012-йил 27-сентябрда расмий спорт тури сифатида тан олинган. 28-30 сентябр кунлари ММА бўйича биринчи расмий Россия чемпионати бўлиб ўтган[2]. 30-сентябр куни конгресс бўлиб ўтган ва Монакода рўйхатдан ўтган Бутунжаҳон ММА ассоциацияси (WММАА – Бутунжаҳон ММА уюшмаси) ташкил этилган. Уюшма президенти Вадим, фахрий президенти Федор Эмеляненко. 2012-йил 14-ноябрда ММА бўйича очиқ Европа чемпионати бўлиб ўтган. Айни пайтда Бутунжаҳон ММА ассоциациясига 46 мамлакат вакиллари аъзодир[3].
2018-йил феврал ойида Санкт-Петербургнинг Приморский туманида Вадим М-1 Арена спорт-кўнгилочар мажмуасини очган[4].
Манбалар
- ↑ „Живая вода“ (2008-йил 17-март). 2018-йил 26-майда асл нусхадан архивланган. Қаралди: 2018-йил 25-май.
- ↑ „Союз ММА России“. 2015-йил 17-мартда асл нусхадан архивланган. Қаралди: 2015-йил 27-апрел.
- ↑ „Маин паге — Wорлд Михед Мартиал Арц Ассоcиатион — Wе аре тҳе футуре оф ММА“. 2014-йил 9-сентябрда асл нусхадан архивланган. Қаралди: 2015-йил 27-апрел.
- ↑ Андрей Шарков. „В Приморском районе прошло открытие нового спортивного комплекса «М-1 Арена»“. Спорт день за днем (2018-йил 9-феврал). 2018-йил 15-майда асл нусхадан архивланган. Қаралди: 2018-йил 15-май.