Vadim Radun
Вадим Иосифович Радун (1940-йил 1-июл, Сталинград, СССР – 2014-йил 11-май, Псков, Россия) – совет ва рус театри режиссёри ва ўқитувчиси. Россия Федерацияси халқ артисти (1997).
| Вадим Радун | |
|---|---|
| Туғилган санаси | 1-июл 1940 |
| Туғилган жойи | Сталинград, РСФСР, СССР |
| Вафот санаси | 11-май 2014 |
| Вафот жойи | Псков, Россия |
| Фуқаролиги |
 СССР  Россия |
| Касби | Режиссёр, театр ходими |
| Фаолият йиллари | 1966–2014 |
| Театр | Новокузнецк драма театри, А. С. Пушкин номидаги Псков драма театри |
| Мукофотлари |
  .png){kind=small} |
Таржимаи ҳоли
Профессор ва театр арбоби Вадим Радун 1940-йил 1-июл куни Сталинградда таваллуд топган. 1942-йилда оила Уляновскка кўчиб ўтди, у ерда отаси Уляновск театрида ўз фаолиятини олиб борган. 1945-йилда оила Тошкентга кўчиб келган. Унинг отаси Тошкент театр ва рассомчилик институти (ҳозирги Ўзбекистон давлат сан’ат институти ) асосчиларидан бири бўлиб, Тошкент ёшлар театрининг рус бўлимига раҳбарлик қилган. Вадим Радун Политехника коллежини Сантехника мутахасислиги бўйича тамомлаган, лекин отаси бунга қатъиян қарши бўлса ҳам, у доимо режиссёрликка қизиққан. 1966-йилда Тошкент театр институтини тамомлаган. Челябинск ва Воронеждаги театрларда фаолият юритган. 1972–1973-йилларда Новокузнецк драма театрининг, 1973—1975-йилларда эса Красноярск театрининг бош режиссёри бўлган. У 1975-йилда А. С. Пушкин номидаги Псков академик драма театрига кўчиб ўтди, у ерда ўн йил давомида режиссёр, 1985–2005-йилларда эса бош режиссёр бўлиб фаолият олиб борди. 2005-йилдан эса театр директори лавозимида фаолият юритди. Театрда фаолияти давомида 150 дан ортиқ спектаклларни саҳналаштирган, шундан 105 таси Псков драма театрида қўйилган. Псков вилоят санъат коллежида дарс берган. Н. А. Римский-Корсаков драма театри ва кино актёри дипломини олган. Вадим Радун 2014-йил 11-майда юрак хуружидан тўсатдан вафот этди[1] „Орлеци-3“ номли қабристонга дафн қилинди[2].
Оиласи
- Отаси – Иосиф Вениаминович Радун (1911–1988), режиссёр ва театр ўқитувчиси, Ўзбекистон ССРда хизмат кўрсатган артист, профессор.
- Акаси – Геннадий Иосифович Радун.
- Унинг рафиқаси актриса Галина Шукшанова.
- Фарзандлари – Игор ва Рудолф.
Мукофотлари
- „Шон-шараф“ ордени (2001-йил 23-декабр) – маданият ва санъат соҳасидаги кўп йиллик самарали фаолияти, халқлар ўртасидаги дўстлик ва ҳамкорликни мустаҳкамлашга қўшган улкан ҳиссаси учун[3].
- Пушкин медали (2011-йил 28-апрел ) – миллий маданият ва санъатни ривожлантиришдаги хизматлари, кўп йиллик самарали фаолияти учун[4].
- Россия Федерацияси халқ артисти (1997-йил 19-ноябр ) – санъат соҳасидаги улкан хизматлари учун[5].
- РСФСРда хизмат кўрсатган артист (1990-йил 1-март ) – Совет санъати соҳасидаги хизматлари учун[6].
- Псков вилояти маъмурияти мукофоти лауреати (1996, 1998, 2000).
- Рус адабиёти академиясининг „Маърифат ғайратига" медали (1999).
- СССР Маданият вазирлигининг „Аъло меҳнати учун“ кўкрак нишони.
Театрдаги ишлари
- Игнатий Дворецкийнинг „Ташқаридан келган одам“
- Михаил Рошчиннинг „Валентин ва Валентина“ номли асарларига режиссёрлик қилган.
Манбалар
- ↑ „Умер Вадим Радун. // Псковская лента новостей. 12.05.2014“. 2014-йил 15-майда асл нусхадан архивланган. Қаралди: 2014-йил 14-май.
- ↑ „Тело режиссёра Вадима Радуна предано земле. // Псковская лента новостей. 14.05.2014“. 2014-йил 14-майда асл нусхадан архивланган. Қаралди: 2014-йил 14-май.
- ↑ „Указ Президента Российской Федерации от 23 декабря 2001 года № 1473 «О награждении государственными наградами Российской Федерации»“. 2019-йил 6-июлда асл нусхадан архивланган. Қаралди: 2019-йил 15-июл.
- ↑ „Указ Президента Российской Федерации от 28 апреля 2011 года № 541 «О награждении государственными наградами Российской Федерации»“. 2019-йил 15-июлда асл нусхадан архивланган. Қаралди: 2019-йил 15-июл.
- ↑ „Указ Президента Российской Федерации от 19 ноября 1997 года № 1240 «О награждении государственными наградами Российской Федерации»“. 2020-йил 28-октябрда асл нусхадан архивланган. Қаралди: 2019-йил 15-июл.
- ↑ „Указ Президиума Верховного Совета РСФСР от 1 марта 1990 года «О присвоении почётных званий РСФСР творческим работникам»“. 2019-йил 15-июлда асл нусхадан архивланган. Қаралди: 2019-йил 15-июл.