Valentin Silvestrov
Валентин Силвестров | |
|---|---|
 | |
| Таваллуди |
1937-йил 30-сентябр |
| Жанрлар | Симфония, замонавий классик мусиқа, фортепиано мусиқаси |
| Касби | Бастакор |
| Лейбллар | ЭCМ Реcордс |
| Фуқаролиги |
 Украина |
Валентин Василевич Силвестров (украинча: Валентин Васильович Сильвестров; 1937-йил 30-сентябр, Киев, Украина ССР, СССР) – украиналик бастакор. Украина ССР халқ артисти (1989).
Ҳаёти
Силвестров 1937-йил 30-сентябрда Киевда муҳандис ва немис тили ўқитувчиси оиласида туғилган[1]. Ота-онаси унинг фақат мусиқага алоҳида эътибор беришидан ташқари, унга ҳар томонлама таълим беришга ҳаракат қилишган. Силвестров мусиқа мактабини тамомлаган ва 15 ёшидан бошлаб мусиқа ёзишга ҳаракат қилган, аммо Киев муҳандислик-қурилиш институтига ўқишга киради. Уч йиллик ўқишдан сўнг, Силвестров ўқув йилининг ўрталарида институтни тарк этган ва 1958-йилда Киев консерваториясига (Борис Лятошинскийнинг композиция синфи) ўқишга кирган[1]. 1964-йилда ўқишни тамомлаган. 1960-йилларда Силвестров „Киэвский авангард“ норасмий гуруҳига (Леонид Грабовский, Виталий Годзацкий, Владимир Загорсев, Владимир Губа, Игор Блажков ва бошқалар) аъзо бўлган, гуруҳнинг фаолияти давлатнинг расмий маданий сиёсатига тўғри келмасди[2]. 1961-йилда Силвестров ўзининг биринчи додекафон – „Пят пес для фортепиано“ ва Қуартетто пиccоло асарларини ёзган. 1970-йилда Силвестров ижодий қарашлари туфайли Украина бастакорлар уюшмасидан чиқарилган.
Ижоди
Силвестров саккизта симфония, учта торли квартет, вокал ва хор асарлари муаллифи. Силвестров кинода ҳам ишлаган, жумладан, Кира Муратованинг „Три истории“ (2002), „Чеховские мотиви“, „Два в одном“ ва „Настройшик“ (2004), Роллан Сергиенко „Белие тучи“ (1968) филмларига мусиқа ёзган. Бундан ташқари, Силвестров Сергей Паражанов томонидан „Киевские фрески“ (1966) филмининг саундтрекини яратиш учун таклиф қилинган, аммо бу филм тугалланмаган ва кейинчалик бошқа бастакор Владимир Селиванов мусиқасидан фойдаланилган.
Мусиқа анъанаси, айниқса немис романтизми (Роберт Шуман) билан чамбарчас ва мураккаб боғлиқ бўлган, жарангдор шеърий сўз билан уйғунлашган Силвестров ижоди замонавий, пост-авангард мелодик тилнинг энг теран намуналаридан бири ҳисобланади. Бу ижод услуби мусиқа ва шеърият ўртасидаги нозик алоқаларни акс эттиради ва ўзига хос оҳангдорликни намоён этади.
Манбалар
- ↑ 1,0 1,1 „Валентин Силвестров“. Счотт. Счотт Мусиc ГмбҲ & Cо. Қаралди: 2022-йил 27-май.
- ↑ „Аудіовізуальний проект «Київський авангард 1960-х. Школа Бориса Лятошинського» | Комітет з Націоналної премії України імені Тараса Шевченка“. кнпу.гов.уа. 2019-йил 3-октябрда асл нусхадан архивланган. Қаралди: 2020-йил 5-май.