Ziyosfera

Valentin Tsoy

Валентин Евгениевич Цой (1952-йил 29-ноябр, Самарқанд – 2021-йил 12-июн[1]) – россиялик сиёсатчи, тадбиркор, Россия Федерацияси Давлат Думасининг Хабаровск ўлкаси депутати (1995–1999)[2], иқтисодиёт, технологик жараёнларни бошқариш, нефт, нефт ва газ конларини лойиҳалаш ва қуриш, 2Д, 3Д, 4Д математик моделлаштиришни ташкил этиш, стандартлаштириш соҳаси мутахассиси. Иқтисодиёт фанлари доктори (2005)[3]. КПСС (1974) / Коммунистик партия аъзоси (1994–1995)[4].

Валентин Цой
Таваллуди 29-ноябр 1952-йил
Жума (шаҳар), Пастдарғом тумани, Самарқанд вилояти, ЎзССР
Вафоти 12-июн 2021-йил(2021-06-12)
(68 ёшда)
Илмий даражаси фан доктори

Ҳаёти

Цой 1952-йил 29-ноябрда Ўзбекистон ССР Самарқанд вилояти Жума шаҳрида туғилган. Миллати корейс.

1973-йилдан Приморск ўлкасининг Киров туманида қишлоқ хўжалигида ишлаган. 1977-йилдан Хабаровск ўлкасида Хабаровск бройлер паррандачилик фермасида уста, сўнгра ишлаб чиқариш директори ўринбосари лавозимларида ишлаган. 1979-йилда Приморский қишлоқ хўжалиги институтини тамомлаган. 1985-йилдан – Хабаровск „Птицепром“ трести директори бўлган.

1988-йилдан – Экспа консерни бошқаруви раиси[5], 1995-йилда Россия Федерацияси ҳукумати қошидаги Халқ хўжалиги академиясини тамомлаган.

Иқтисодиёт фанлари доктори, „Глобаллашув шароитида Россия иқтисодиётини барқарор ривожлантириш стратегиясини шакллантириш“ мавзусидаги диссертация ёқлаган[6].

Сиёсий фаолияти

1990-йилда Хабаровскнинг 249-сонли бир мандатли округидан РСФСР халқ депутати этиб сайланган.

У Россия Федерацияси Олий Кенгашининг Халқаро ишлар ва ташқи иқтисодий алоқалар қўмитаси таркибида Осиё-Тинч океани минтақаси бўйича қуйи қўмита раиси бўлиб ишлаган. Цой 1991-йилда СССР парчаланишига қарши овоз берган 43 депутат орасида эди.

1993-йил октябр ойида РСФСР Олий Кенгаши ҳимоячилари томонида эди.

1996-йил декабр ойида Хабаровск ўлкаси маъмурияти бошлиғи лавозимига ўз номзодини қўйди. Цой 6,23 фоиз овоз олиб, амалдаги раҳбар Виктор Ишаевдан (84,93 фоиз) кейин иккинчи бўлди. Ишаевга нисбатан танқидий позицияни эгаллади[7][8].

Манбалар

  1. ↑ 12 июня на 69-м году ушел из жизни Цой Валентин Евгеневич
  2. ↑ „Цой Валентин Евгеньевич“. www.дума.гов.ру. Қаралди: 2016-йил 3-сентябр.
  3. ↑ Цой, Валентин Евгеньевич. Формирование стратегии устойчивого развития российской экономики в условиях глобализации. — 2005-01-01.
  4. ↑ „Корё Сарам — Записки о корейцах“.
  5. ↑ На 186 гектарах плантаций расположенних в Лазовском, Вяземском и Бикинском раёнах завозили 2-х летниэ саженси женшеня из севера КНДР, через 6 лет сами производили семенной материал на Далнем Востоке.
  6. ↑ Цой, Валентин Евгеньевич. Формирование стратегии устойчивого развития российской экономики в условиях глобализации. — 2005-01-01.
  7. ↑ „Как проходили выборы в Хабаровском крае в 1996 и 1999 годах << Политика, Власть | Дебри-ДВ“. дебри-дв.cом. Қаралди: 2016-йил 3-сентябр.
  8. ↑ „Мы пахали... << Политика, Власть | Дебри-ДВ“. дебри-дв.cом. Қаралди: 2016-йил 3-сентябр. 
"https://new.ziyosfera.uz/ziyo/Valentin_Tsoy" dan olindi