Валентина Владимировна Терешкова (1937-йил, 3-июн, Ярославл вилояти, Масленниково қишлоғи) — рус космонавт-учувчиси (1963), жаҳонда 1 аёл космонавт. Николай Жуковский номидаги Ҳарбий Ҳаво муҳандислик академиясини тугатган (1969). 1963-йил 16–19 июнда В.Ф. Биковский билан бирга "Восток" космик кемасида космосга парвоз қилган. Ер атрофини 48 марта айланиб, 70 соат, 47 мин. мобайнида 2 млн. км га яқин масофани учиб ўтган. Собиқ иттифоқ аёллар қўмитаси раиси (1968–87). Халқаро аёллар демократик федерацияси вицепрезиденти (1969-йилдан). Чет эл мамлакатлари билан маданий алоқа ва дўстлик жамиятлари иттифоқи президиуми раиси (1987–92). Россия Халқаро илмий ва маданий ҳамкорлик маркази раҳбари (1994-йилдан)[1].

Валентина Терешкова
Валенти́на Терешко́ва
Таваллуди 6-Март 1937-йил
Ярославл вилояти, Масленниково қишлоғи
Фуқаролиги СССР →‎ Россия
Таълими Николай Жуковский Академияси
Партияси Совет Иттифоқи Коммунистик Партияси
Турмуш ўртоғи 1963 - 1962: Андриян Николаев
? - 1999: Юлий Шапошников

Ижтимоий фаолият

2011-йилда у Ярославл минтақавий рўйхати бўйича "Ягона Россия" партиясидан Россия Давлат Думасига сайланган. Терешкова Элена Мизулина, Ирина Яровая ва Андрей Скоч [2][3][4] билан бирга насроний қадриятларини ҳимоя қилиш бўйича фраксиялараро депутатлик гуруҳининг а'зоси; бу лавозимда у Россия Конституциясига ўзгартиришлар киритишни қўллаб-қувватлади, унга кўра "Православлик Россиянинг миллий ва маданий ўзига хослигининг асосидир". 2011-йил 21 декабрдан Давлат Думасининг Федерал тузилма ва маҳаллий ўзини ўзи бошқариш қўмитаси раисининг ўринбосари.

Манбалар