Valeriy Bryusov

Валерий Яковлевич Брюсов [1873.1. (13). 12 Москва 1924-йил, 10-сентябр] – рус ёзувчиси, драматург. Москва университетини битирган (1899). Илк шеърлари Ғарб шеърияти таъсирида ёзилган (1894—95). „Дурдоналар“ (1895), „Бу – мен“ (1897), „Учинчи қоровул“ (1900) тўпламлари Брюсов ижоди камолотидан дарак беради. Мазкур асарларда унинг ижодига хос илғор хусусиятлар – образларнинг маромига етганлиги, ҳар бир шеър ва бутун китобнинг қатъий композицияга эгалиги, нотиқлик санъатининг кучлилиги сезилиб туради. „Одамовилар“ (1900—01) достонида ўша давр тузуми кескин танқид қилинади. „Шаҳарларга ва жаҳонга“ (1903) тўпламига кирган асарларида ишчи меҳнати мадҳ этилади. Брюсов ХХ аср бошларида рус адабиётидаги модерн ва символизм оқими раҳнамоси бўлди. „Гулчамбар“ (1906) шеърий тўплами шоирнинг романтик руҳдаги энг яхши асари саналади. „Барча мотивлар“ (1909), „Соялар кўзгуси“ (1912), „Камалакнинг етти ранги“ (1916) шеърий тўпламларида рус жамиятидаги, кишилар руҳиятидаги ўзгаришлар тасвирланади. „Олов фаришта“ (1908), „Зафар меҳроби“ (1913) тарихий романларида замонавий воқеаларга монанд мавзулар топа билган. „Ер“ драмасида келажак ҳақида фикр юритилади. „Сўнгги орзулар“ (1920), „Бундай кунларда“ (1921), „Дақиқа“, „Йироқйироқлар“ (1922), „Шошил“ (1924) шеърий тўпламларида Брюсов даврга ҳамнафас шоир сифатида намоён бўлади. Брюсов адабий танқидчи сифатида ҳам ижод этган („Рус шеъриятида янги оқимлар“, 1913; „Шеър ҳақида фан“, 1919; ва бошқалар).

Валерий Брюсов
Валерий Брюсов 1900-йилда
Таваллуди	1873-йил 13-декабр (1873-12-13) Москва, Россия империяси
Вафоти	9-октябр 1924-йил(1924-10-09) (50 ёшда) Москва, Совет Иттифоқи

Адабиётлар

• ЎзМЕ. Биринчи жилд. Тошкент, 2000-йил

Ҳаволалар

• „Жанубий хоч республикаси“ таржимаси
• Бабетте Деуцч ва Авраҳм Ярмолинский томонидан инглиз тилига таржима қилинган 10 саҳифалик танлов, 1921
• 5 та миниатюра шеърларининг инглизча таржималари
• Узунроқ шеърнинг инглизча таржималари, „Дансе Маcабре“ (пастга айлантиринг)
• „Аёлга“ инглизча таржимаси
• Марк Уилхардт, Алан Паркер. „Бриусов, Валерий Яковлевич“ ХХ аср жаҳон шеъриятида ким ким, Роутледге, 2000, ИСБН 0-415-16356-0, 47-бет. 
• „Брусов ва Арманистон шеърияти“