Vali Yengalichev
Вали Фатехович Енгаличев (1953-йил 30-апрелда туғилган) — психология фанлари доктори, Суд экспертизаси ва криминалистика илмий-тадқиқот маркази раҳбари, К. Э. Сиолковский номидаги Калуга давлат университетининг Умумий ва ижтимоий психология кафедраси профессори, Сочи давлат университетининг Умумий психология ва ижтимоий коммуникациялар кафедраси профессори, Россия Федерацияси Тергов қўмитасининг Москва академияси фахрий профессори, М.Герасий номидаги Ереван давлат тиббиёт университети профессори, Россия Федерацияси Олий касбий таълими фахрий ходими, Россия Психология Жамиятининг Мувофиқлаштирувчи Кенгаш аъзоси, Америка Психология Ассоциациясининг хорижий аъзоси. Шунингдек, Енгаличев Сертификатланган суд-психолог ва суд-лингвист, Алоқа, ахборот технологиялари ва оммавий ахборот воситаларини назорат қилиш федерал хизматининг аккредитацияланган эксперти ҳамдир. Шу билан бирга, ,,Калуга университети хабарномаси" илмий журнали таҳририяти аъзоси. Психология фанлари доктори Вали Фатехович ҳуқуқий психология, тергов психологияси, суд психологияси, психолингвистика бўйича 270 дан ортиқ нашрлар, жумладан, беш монография, олтита илмий-методик қўлланма ва тўрт тилдаги суд-психологик экспертиза бўйича иккита илмий-методик қўлланма муаллифи ва ҳаммуаллифи. Ҳуқуқий психологиядаги асл илмий мактаб асосчиси. В. Ф. Енгаличев муаллифлигидаги юридик психология бўйича дастур Россия Федерацияси университетларининг психология кафедралари учун асосдир.
| Вали Фатехович Енгаличев | |
|---|---|
| Таваллуди |
30-апрел 1953-йил (69 ёш) Тошкент, Ўзбекистон ССР |
| Соҳаси | Ҳуқуқий психология Суд-тиббий экспертизаси |
| Иш жойлари | К.Э.Сиолковский номидаги Калуга давлат университети, Сочи давлат университетида |
| Таълими | Низомий номидаги Тошкент давлат педагогика институти |
| Илмий даражаси | Психология фанлари доктори |
| Илмий унвони | Профессор |
Биографияси
Вали Фатехович Енгаличев 1953-йил 30-апрелда Тошкент шаҳрида туғилган.
1974-йилда Низомий номидаги Тошкент давлат педагогика институтини Рус тили ва адабиёти ўқитувчиси мутахассислиги бўйича, 1981-йилда эса Психология факултетининг кундузги бўлим аспирантурасини тамомлаган. Енгаличев 1983-йили Тбилиси давлат университетида Психология фанидан номзодлик диссертациясини ҳимоя қилган. 1990-йилдан К. Э. Сиолковский (КГУ) номидаги Калуга давлат педагогика университетида ишлаган. 1993-йилда КГУнинг психология кафедрасини, 1996-йилда ,,Умумий ва ҳуқуқий психология" кафедрасини ташкил қилган. 2006-йилда А. С. Пушкин номидаги Ленинград давлат университетида бир вақтнинг ўзида иккита психологик мутахассислик ,,Педагогик психология" ва ,,Ҳуқуқий психология" бўйича докторлик диссертациясини ҳимоя қилган. 2006-йилда Енгаличев Вали Суд экспертизаси ва криминалистика тадқиқот марказини (НИССеиК) ташкил қилган.
Мукофот ва унвонлари
- Россия Федерацияси Олий касб-ҳунар таълимининг фахрий ходими;
- Л. С. Вигоцкий номидаги медал.
Илмий ишлари
- Энгаличев В. Ф. Амалий ҳуқуқий психология бўйича мутахассиснинг касбий малакаси. Монография. — М .: Психология олий мактаби, 2004. 434 б.
- Энгаличев, В. Ф., Шипшин С. С. Жиноят ва фуқаролик процессида суд психологик экспертизаси: назария ва амалиёт масалалари. — М: Москва ижтимоий-психологик университети, 2015. 456 п.
- Энгаличев ВФ, Чернов Ю. Г. Қўл ёзувининг психологик таҳлили. Қўлда ёзилган матнни расмийлаштирилган баҳолаш бўйича кўрсатмалар. — М .: ФГБУ ГНЦ ФМБЦ им. А. И. Бурназян Россия ФМБА, 2019. 172 б.