Vanshli pech

Ваншли печ — 1) материаллар суюқ муҳит (хлорли, углерод оксидли, азот оксидли тузлар ва б.) ли ваннада қиздириладиган печ. В.п.нинг алангали ва электр хиллари бор. Алангали В.п.да тигел (ванна) форсунка ёки горелка алангаси билан қиздирилади. Электр В.п.нинг икки тури бор: биринчисида иссиклик ванна ташқарисида жойлашган қиздириш элементида, иккинчисида иссикдик суюқ муҳитнинг ўзида генерацияланадл. Суюқ муҳитда қиздиришнинг афзаллиги шуки, буюм тез ва бир текис қизийди, сирти оксидланмайди. В.п. термик сехларда металл деталларни тоблаш, бўшатиш, нормаллаш, қаттиқ қиздириш ва б. учун ишлатилади; 2) иш бўшлиғи горизонтал йўиалишда чўзиқ ванна шаклида бўлган металл эритиш печи (мас., мартен печи).

Адабиётлар

• ЎзМЕ. Биринчи жилд. Тошкент, 2000-йил