Ziyosfera

Vasil Popadyuk

Васил Василович Попадюк (украинча: Василь Васильович Попадюк; 1966-йил 16-январ, Лвов) – „Украиналик Паганини“ номи билан танилган украиналик мусиқачи, скрипкачи, пианиночи, „ПапаДуке“ гуруҳининг асосчиси, гуруҳи билан дунё бўйлаб саёҳат қилиб, жаҳон мусиқа услубларида, шунингдек, латино, лўли ва жаз услубида мусиқа ижро этишади. Попадюк 15 та мусиқа асбобини чалишни билади, гуруҳдаги мусиқачиларнинг ҳар бири ҳам турли мусиқа асбобларини чалишади. Шунингдек, Попадюк бастакор ҳам. 2009-йилда Украинанинг хизмат кўрсатган артисти унвони билан мукофотланган[1].

Васил Попадюк
Таваллуди 1966-йил 16-январ (1966-01-16) (60 ёш)
Лвов, Украина ССР, СССР
Фуқаролиги Ukraina bayrogʻi Украина
Касби мусиқачи, скрипкачи, пианиночи
Фаолият йиллари 1986—ҳозиргача
Турмуш ўртоғи Соломия Хмара
Болалари Моряна, Софийка ва Катруся
Отаси Васил Иванович Попадюк
Онаси Свитлана Попадюк

Ҳаёти

Попадюк санъаткорлар оиласида дунёга келган. Онаси Свитлана Попадюк рассом, отаси эса Ивано-Франкивск вилоятининг Коломийский туманидаги Мишино қишлоғидан чиққан машҳур флейтачи Васил Иванович Попадюк (1940—1991). Отаси Григорий Веревка номидаги хор аъзоси бўлиб, „Учлик мусиқачилари“ ансамблини бошқарган[1].

Васил Попадюк етти ёшидан бошлаб Микола Лисенко номидаги Киев ихтисослаштирилган мусиқа мактабида классик мусиқа бўйича таълим олган. Сўнгра Чайковский номидаги Украина Миллий мусиқа академиясига ўқишга кирган ва кейинчалик Лисенко номидаги Лвов мусиқа академиясининг сиртқи бўлимига ўтган[2].

Попадюк ҳарбий хизматини Киевда қўшиқ ва рақс ансамблида ўтаган бўлиб, бу ансамбл Чернобил фалокатини бартараф этувчилар учун мунтазам равишда консертлар берган[3][4]. Кейинчалик 1988-йилда шифокорлар Васил Попадюкка яшаш жойини ўзгартиришни тавсия қилишгач, Москвага кўчиб ўтиб, у ерда ишлашни бошлаган. Москвада Володимир Назаров раҳбарлигидаги „Жаҳон мусиқаси театри“да ишлаган, театрда дунёнинг ўнта янги миллий чолғу асбобларини чалишни ўрганган. 1993-йилда Киевга қайтиб келган ва у ерда „Гопак“ ансамблида фаолият олиб борган, шунингдек, „Романлар“ лўлилар давлат театри билан ҳамкорлик қилган[5].

1997-йилдан бошлаб Торонто ва Оттавада яшаган ва ишлаган. Украиналик сиёсатчи ва совет диссиденти Степан Хмаранинг қизи Соломия Хмарага уйланган. Уларнинг Моряна, Софийка ва Катруся исмли учта қизи бор. Оилада украин тилида мулоқот қилинади[6].

2003-йилда „Биг Мусиcал Cанадиан Дреам“ номли телешоуда қатнашиб, 15 минг нафар бошқа скрипкачи билан беллашган. Финал босқичида Васил ҳуцуллар мусиқасини ижро этиб, иккинчи ўринни қўлга киритган[7].

2022-йил май ойида Попадюк ўз гуруҳи билан Канададаги Зоэтиc театрида концерт берди[8][9].

2023-йил 27-январ куни Украинага тез ёрдам машиналарини олишга маблағ йиғиш учун Алcалá де Ҳенаресда Паcо де Луcíанинг муниципал томоша залида консерт берган[10]

Консерти

2022-йил апрел ойида Луганск болалар касалхонасига маблағ йиғиш учун Регинада (Канада) Cонехус санъат марказида бўлиб ўтган консертда иштирок этган[11].

Манбалар

  1. ↑ 1,0 1,1 „16 де энеро – Наcимиэнто де Васйл Попадюк“ (эс). CонУcраниа (2019-йил 16-январ). Қаралди: 2023-йил 25-январ.
  2. ↑ „Биографíа де Васйл Попадиук“ (эс). Ласт.фм. Қаралди: 2023-йил 25-январ.
  3. ↑ Пиñэиро. „Лиқуидадорес де Чернóбйл“. Уна бреве ҳисториа. Қаралди: 2023-йил 25-январ.
  4. ↑ Парфитт, Том (Април 22, 2006). "Опинион ремаинс дивидед овер Чернобйл'с труэ толл" (Энглиш). Тҳе Ланcет 367 (9519): 1305–1306. дои:10.1016/С0140-6736(06)68559-0. ИССН 0140-6736. ПМИД 16637114. ҳттпс://www.тҳеланcет.cом/жоурналс/ланcет/артиcле/ПИИС0140-6736(06)68559-0/абстраcт. 
  5. ↑ „Васйл Попадиук Папа Дуке“ (эн). Этҳноcлоуд. Қаралди: 2023-йил 25-январ.
  6. ↑ „Васйл Попадиук стагинг Украине бенефит cонcерт ин Регина“. леадерпост. Қаралди: 2023-йил 25-январ.
  7. ↑ „Cапитал Украиниан Фестивал – Васйл Попадиук анд тҳе Папа Дуке Банд“. www.cапиталукраинианфестивал.cом. 2023-йил 25-январда асл нусхадан архивланган. Қаралди: 2023-йил 25-январ.
  8. ↑ „УКРАИНИАН БЕНЕФИТ CОНCЕРТ ФЕАТУРИНГ ВАСЙЛ ПОПАДИУК & ТҲЕ ПАПА ДУКЕ БАНД (7:00ПМ ЭВЕНИНГ))“. Тиcкетлеап. Қаралди: 2023-йил 25-январ.
  9. ↑ „Чилдрен оф Украине Бенефит“ (эн-УС). Wинспеар Cентре. Қаралди: 2023-йил 25-январ.
  10. ↑ „Cонcиэрто бенéфиcо дел виолиниста Васйл Попадиук“ (эс). CонУcраниа (2023-йил 23-январ). Қаралди: 2023-йил 25-январ.
  11. ↑ „Васйл Попадиук стагинг Украине бенефит cонcерт ин Регина“ (эн-CА). леадерпост. Қаралди: 2023-йил 25-январ. 
"https://new.ziyosfera.uz/ziyo/Vasil_Popadyuk" dan olindi