Vasiliy Chirkin

Василий Александрович Чиркин (1884.12.8, Екатеринбург 1940.10.6, Тошкент) — режиссёр Ўзбекистонда хизмат кўрсатган санъат арбоби (1936). Москва филармониясининг драма синфини тугатган (1910). 1910—12 йиллар Москва Кичик театрида, 1917—23 йиллар Москва Ҳарбий театрида, 1924—34 йиллар ИвановоВознесенск, Курск, Брянск, Боку, Свердловск, Қозон театрларида ишлаган. 1934-йил Тошкентга келиб, Рус театри (ҳозирги Ўзбекистон рус академик драма театри) ташкилотчиларидан ва биринчи бадиий раҳбари бўлган. "Интервенсия" (Л. Славин), "Аристократлар" (Николай Погодин), "Тубанликда" (Максим Горкий), "Телба кун, ёки Фигаронинг уйланиши" (Пер Бомарше), "Отелло" (Уилям Шекспир), "Момақалдироқ" (Александр Островский), "Ванюшин болалари" (С. Найдёнов), "Пётр И" (Алексей Толстой), "Бой ила хизматчи" (Ҳамза), "Ҳамлет" (Уилям Шекспир, Маннон Уйғур билан ҳамкорликда) каби спектаклларга режиссёрлик қилган. Юқори идеалларга ишонтиришга ҳаракат қилиш, ҳаёт ҳақиқатининг ёрқин театр шакллари билан уйғунлашиб кетиши, спектаклларга Вахтангов услубини сингдиришга уриниш Ч. режиссурасига хос.