Ziyosfera

Vasiliy Levin

Василий Николаевич Левин (1923-йил 21-феврал – 1998-йил 9-май) – совет ва украин кино актёри, режиссёр ва ссенарийнавис. 1954-йилдан КПСС аъзоси. Украина ССР хизмат кўрсатган артист (1991-йил)[1].

Василий Николаевич Левин
Таваллуди 21-феврал 1923-йил
Самарқанд, СССР
Вафоти 9-май 1998-йил(1998-05-09)
(75 ёшда)
Одесса, Украина
Фуқаролиги SSSR bayrogʻi СССР → Ukraina bayrogʻi Украина
Касби актёр, режиссор ва ссенарийчи

Ҳаёти

Василий Николаевич Левин 1923-йил 21-февралда Самарқандда (ҳозирги Ўзбекистон) туғилган.

Улуғ Ватан уруши қатнашчиси ҳисобланади. Москва енгил саноат технологик институтида таҳсил олган (1943—1944). С. А. Герасимов номидаги Бутунроссия давлат кинематография институти режиссёрлик бўлимини тамомлаган (Григорий Козинцев раҳбарлигида, 1950). "Мосфилм" киностудиясида режиссёр ёрдамчиси ва иккинчи режиссёр (1951-1955), Одесса киностудиясида режиссёр, Одесса киностудияси қошидаги киноактёрлар студиясининг бадиий раҳбари (1967—1969) бўлиб ишлаган[2]. Левин ўзининг „Хайр Америка“ ва „Садко“ номли биринчи асарларини „Мосфилм“да иккинчи режиссёр бўлганида яратган. Унинг режиссорлигида 1964-йили „Стратион қизи“, 1969-йили "Хавфли саёҳат", 1981-йили „Лабиринтга узоқ йўл“, 1985-йили „Дон Хуаннинг васвасаси“ филмлари олинган.

Унинг биринчи мустақил иши Николай Атаровнинг " Биринчи муҳаббат эртаги " (1957) китоби асосида яратилган ижтимоий драма ҳисобланади. Василий Левин ссенарийлар ёзган ва кичик ролларда ўйнаган. Унинг энг машҳур актёрлик иши „Капитан Немо“ телевизион филмидаги Владислав Дворжецкий ролидир. Левин бир нечта китобларнинг муаллифи, жумладан, „Қўғирчоқлар“ шеърий тўплами ва Ришеле герсоги ҳақидаги шеърий ҳикоя. Режиссорнинг йигирмага яқин рангтасвир ва график кўргазмалари бор.

Василий Николаевич Левин 1998-йил 9-майда Украинанинг Одесса шаҳрида вафот этди.

Филмографияси

  • 1969 – русча: Опасниэ гастроли[3] 
  • 1975 – русча: Капитан Немо 
  • 1981 – русча: Долгий пут в лабиринте 

Манбалар

  1. ↑ „Указ Президиума Верховного Совета Украинской ССР от 17 июня 1991 года № 1189-ХИИ «О награждении работников культуры и искусства государственными наградами Украинской ССР»“. 2021-йил 28-августда асл нусхадан архивланган. Қаралди: 2020-йил 27-сентябр.
  2. ↑ „Левин Василий Николаевич“. www.кино-театр.ру. Қаралди: 8-сентабр 2023-йил.
  3. ↑ „Василий Левин: фильмы“. www.кинопоиск.ру. Қаралди: 8-сентабр 2023-йил. 
"https://new.ziyosfera.uz/ziyo/Vasiliy_Levin" dan olindi