Vasiliy Pak
Василий Пак, норасмий русча шарифи – Александрович (1916-йил 30-декабр, Россия империяси, Приморск вилояти, Владивосток тумани, Уссурийск тумани, Зарече қишлоғи – 1986-йил 16-май, Тошкент, Ўзбекистон ССР) – Ўзбекистон ССР, Тошкент вилояти, Юқори Чирчиқ тумани Свердлов номидаги колхоз бригадири. Социалистик Меҳнат Қаҳрамони (1951)[1].
| Василий Пак | |
|---|---|
| Таваллуди |
1916-йил 30-декабр |
| Вафоти |
16-май 1986-йил Тошкент |
| Унвони |
 |
Биографияси
Василий Пак 1916-йил 30-декабрда Уссурийск тумани Зарече қишлоғида деҳқон оиласида таваллуд топган. 1932-йилда туғилиб ўсган қишлоғида етти йиллик мактабни тамомлаган. Кейинчалик Буденновский тумани, Николаевка қишлоғида яшаган. 1937-йилда Ўзбекистон ССР Тошкент вилоятига сургун қилинган. 1937-йилдан Юқори Чирчиқ вилояти Свердлов номидаги колхозда оддий колхозчи, дала мудири ва ҳайдовчи бўлиб ишлаган[2].
Василий Пак жамоаси 1950-йилда 34 гектар майдоннинг ҳар гектаридан ўртача 134,8 сентнердан яшил каноп олган. СССР Олий Кенгаши Президиумининг 1951-йил 22-майдаги фармони билан Пак Ленин ордени, „Ўроқ ва Болға“ олтин медали ва Социалистик Меҳнат Қаҳрамони унвони билан тақдирланган.
1953-йилда катта меҳнат ютуқлари учун иккинчи бор Ленин ордени билан тақдирланган.
Василий 1965-йилдан Ростов вилоятининг Цимлянский туманида яшаб, „Доброволский“ ғаллачилик фермасида ишлаган. Кейинги йилларда турли қишлоқ хўжалиги корхоналарида фаолият олиб борган. Цимлянский туманидаги „Болшовский“ совхозида ишчи (1967–1969), Қалмоғистон Автоном Совет Социалистик Республикасидаги „Восход“ шоличилик совхозида агроном (1970–1971), Цимлянск вилояти „Потаповский“ совхозида ишчи (1971), Краснодар ўлкаси Тбилиси туманидаги „Кавказ“ колхозида оддий колхозчи (1972), Краснодар „Солнечний“ (1973-1974) ва „Пашковский“ (1975) совхозларида ишчи бўлган.
Пак 1970-йилларнинг охирида Волгодонскда, кейинчалик Тошкентда яшаган. 1986-йил май ойида вафот этган. У собиқ „Политотдел“ (ҳозирги Тошкент вилоятининг Юқори Чирчиқ тумани) колхози қабристонига дафн этилган.
Мукофотлари
Пак Василий Социалистик Меҳнат Қаҳрамони унвони, икки марта Ленин ордени ҳамда „1941-1945 йиллардаги Улуғ Ватан урушидаги жасоратли меҳнати учун“ медали билан тақдирланган.
Манбалар
- ↑ „ВЭКС. Герой Социалистического труда Пак Василий“ (2021-йил 7-феврал). Қаралди: 2023-йил 29-ноябр.
- ↑ „Пак Василий“. Қаралди: 2023-йил 17-ноябр.