Vasiliy Shapteboy
| Василй Шапциабои | |
|---|---|
| Шахсий маълумотлари | |
| Жинси | Эркак |
| Таваллуд пайтидаги исми | беларусча: Васіль Васільевіч Шапцябой |
| Фуқаролиги |
 СССР  Беларус |
| Таваллуд санаси |
1979-йил 10-ноябр Беларус Республикаси, СССР |
| Бўйи | 170 см |
| Спорт | |
| Клуби | Динамо |
Василий Шаптебой[1] (беларусча: Васіль Васільевіч Шапцябой; 1979-йилда туғилган) — беларуслик спортчи, қишки (чанғи ва биатлон) ва ёзги (велоспорт ва енгил атлетика) паралимпия ўйинлари иштирокчиси; Беларус Республикасида хизмат кўрсатган спорт устаси. Сочида 2014-йилги қишки паралимпия ўйинларининг ёпилиш маросимида Беларус Республикаси байроқдори бўлган.
Таржимаи ҳоли
1979-йил 10-ноябрда туғилган. Унинг кўриш қобилиятида туғма нуқсони бор.
1993-йилда Беларуссиянинг Молодечно шаҳридаги кўзи ожиз болалар мактабида чанғи учишни машқ қила бошлаган.
„Динамо“ клуби сафида ҳаракат қилган, паралимпия спорт турлари бўйича Республика олимпия тайёрлаш маркази ва Могилёв вилояти олий спорт маҳорат мактабида машғулот олиб борган.
Ҳозир Могилёвда яшайди. Уйланган, учта қизи бор: Ангелина, Алиса ва Анна.
Ютуқлари
Василий Шаптебой Паралимпиядаги фаолиятини 2000-йилда Австралиянинг Сидней шаҳрида бўлиб ўтган ёзги Паралимпия ўйинларида бошлаган. Мазкур Паралимпия ўйинларида Т13 категориясидаги эстафета баҳсларида иштирок этган ва бронза медалини қўлга киритган. 2004-йилда Афинадада бўлиб ўтган ёзги Паралимпия ўйинларида қатнашиб, олтин медалларни қўлга киритган. 2012-йилда Лондонда бўлиб ўтган ёзги Паралимпия ўйинларида велоспорт бўйича иштирок этган, аммо медалга сазовор бўла олмаган.
Василий Шаптебой 2006-йилда Италиянинг Турин шаҳрида бўлиб ўтган қишки паралимпия ўйинларида ўз дебютини амалга оширган ва чанғида югуриш спорт тури бўйича бронза ва кумуш медалларни қўлга киритган. 2010-йилда Канаданинг Ванкувер шаҳрида бўлиб ўтган навбатдаги паралимпия ўйинларида Василий чанғида югуриш ва биатлон бўйича иккита бронза медалини қўлга киритган[2]. 2014-йил Сочида бўлиб ўтган паралимпия ўйинларида биатлон бўйича икки карра (7,5 ва 12,5 км[3]) бронза медали соҳиби бўлган. Жанубий Кореянинг Пхёнчхан шаҳрида бўлиб ўтган 2018-йилги қишки Паралимпия ўйинларида энг тажрибали иштирокчилардан бири бўлган. Аммо баҳлардан икки кун олдин шамоллаб қолган ва бу унинг натижаларига салбий таъсир кўрсатган[4].
Шаптебой паралимпия ўйинларидан ташқари велоспорт, енгил атлетика ва биатлон бўйича жаҳон чемпионатларида иштирок этган.
Манбалар
- ↑ „Беларусь на зимней Паралимпиаде представят 15 спортсменов (фото)“ (ру). Министерство спорта и туризма Республики Беларусь (2018-йил 28-феврал). 2018-йил 25-мартда асл нусхадан архивланган. Қаралди: 2019-йил 20-апрел.
- ↑ „Беларус wинс 9 медалс ат Ванcоувер 2010 Паралймпиcс“. 2019-йил 19-апрелда асл нусхадан архивланган. Қаралди: 2019-йил 20-апрел.
- ↑ „Васили СҲАПТСИАБОИ“. 2018-йил 5-февралда асл нусхадан архивланган. Қаралди: 2019-йил 20-апрел.
- ↑ „Васили Шапциабои’с реасонс то wатч ПеонгЧанг 2018“. 2019-йил 19-апрелда асл нусхадан архивланган. Қаралди: 2019-йил 20-апрел.