Vaxtang I Gorgasar

ВАХТАНГ И Горгасар (?-502) - Иберия (Картли) подшоси. Давлат ҳокимиятини марказлаштириш учун курашган. Унинг даврида Тбилиси ш. қайта қурилиб, пойтахт Мсхети ш.дан Тбилисига кўчирилган. Картлининг мустақиллиги учун Эрон босқинчиларига қарши курашда шухрат қозонган. 484 й. грузин ва арманларнинг сосонийларга қарши қўзғолонига раҳбарлик қилган. Арман ва грузин мулкдорларининг хоинлиги қўзғолон тақдирини ҳал этган. Форслар В.га бўри расми туширилган бош кийим кийиб юргани учун Горгасар — "Бўри боши" деб лақаб қўйишган. Форслар билан бўлган жангда ўлдирилган. Грузин халқи В. шарафига қўшиқ ва шеърлар яратган.

Адабиётлар

• ЎзМЕ. Биринчи жилд. Тошкент, 2000-йил