Vaza
Ваза (франс. васе, лот. вас — идиш) — мева, гул ва бошқа нарсалар учун ишлатиладиган бадиий буюм. Сопол, шиша, чинни, металл ва б. хом ашёлардан турли шаклларда ясалади, бўяма, ўйма, чизма ва бўртма нақш, тасвирлар билан безатилади. Ваза тайёрлаш ва безаш антик санъатда муҳим ўрин эгаллаган: кора ва қизилга бўялган тайёр Вазага рассом нақш, тасвир ишлаган, кейин кора лок билан бўяган; қолиплар ёрдамида ҳам В. тайёрланган. Юнонларнинг бу санъати Европада Вазани тайёрлаш ва безаш санъати учун намуна бўлиб хизмат қилган. Ўрта Осиёда ҳам қадимдан Ваза тури (кўза, кўра, амфора ва бошқа) тайёрланган, улар нақш, тасвирлар билан безатилган, араблар истилосидан сўнг эса услублаштирилган ўсимликсимон ва гириҳ нақшлар билангина безалган. Ҳозир ЎзРдаги чинни заводларда, кулоллик устахоналарида безатилган, бадиий қимматли (тасвирлар, машҳур кишиларнинг портрети ишланган) Ваза турлари кўплаб ишлаб чиқарилади.
Адабиётлар
- ЎзМЕ. Биринчи жилд. Тошкент, 2000-йил
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |