Vermishel

Вермишел (итал. вермиcелли — чувалчанглар) — буғдой унидан қорилган хамирдан тайёрланадиган узун ипсимон озиқ-овқат маҳсулоти. В. учун хом клейковина миқдори 75% дан кам бўлмаган олий навли ун ишлатилади. Айрим В. хамирига тухум қўшилади. Қорилган хамир винтли, гидравлик, шнекли ёки жўвали прессларда 5—7 Мн/м2 (50—70 кгк/см2) босимда думалоқ тешикчалари бўлган панжара орқали ўтказилиб, чўзилади. Чўзилган хамир муайян узунликда кесилади ва 80° гача қиздирилган қуритиш аппаратларида ҳаво билан қуритилади.

Адабиётлар

• ЎзМЕ. Биринчи жилд. Тошкент, 2000-йил