Vitaliy Savelyev
Виталий Геннадевич Савелев (русча: Виталий Геннадьевич Савельев, 1954-йил 18-январда туғилган) – россиялик тадбиркор ва сиёсатчи. 2020-йил 10-ноябрдан буён транспорт вазири бўлиб ишлаган[1]. Илгари 2009-йилдан 2020-йилга қадар Россиянинг энг йирик авиакомпанияси Аэрофлотнинг раиси ва бош директори лавозимларида фаолият олиб борган[2].
| Виталий Савелев | |
|---|---|
 | |
  | |
| Президент | Владимир Путин |
| Вазир | Михаил Мишустин |
| Шахсий маълумотлари | |
| Таваллуди |
Виталий Геннадевич Савелев 1954-йил 18-январ Тошкент шаҳри |
| Сиёсий партияси | Бирлашган Россия |
| Алма матер | Ленинград политехника институтининг (ҳозирги Санкт-Петербург давлат политехника университети) (бакалавр), Ленинград муҳандислик-иқтисодиёт институти (магистр) |
| Касби | тадбиркор, сиёсатчи |
Ҳаёти
Виталий Савелев 1954-йил 18-январда Тошкент шаҳрида туғилган[3]. 1977-йилда М. И. Калинин номидаги Ленинград политехника институтининг (ҳозирги Санкт-Петербург давлат политехника университети) машинасозлик факултетини қурилиш ва йўл машиналари ва ускуналари, қурилиш мутахассислиги бўйича тамомлаган[4].
1986-йилда Ленинград муҳандислик-иқтисодиёт институтида иқтисод фанлари номзоди илмий даражасини олган.
Фаолияти
1971–1977-йилларда – М. И. Калинина номидаги Ленин Политехника институтининг Ленинград орденли талабаси, Ленинград.
1977–1980-йилларда – СССР Энергетика вазирлигининг „Оргенергострой“ Бутуниттифоқ институти Ленинград филиали ишга тушириш бўлими муҳандиси, Ленинград.
1980–1984-йилларда – СССР Энергетика вазирлиги, Саяногорск, Красноярск ўлкаси, СССР „Красноярскенергострой“ ёрдамчи корхоналари бошқармасининг техник бўлими бошлиғи, бош конструктори.
1984-йил – СССР Энергетика вазирлигининг „Оргенергострой“ Бутуниттифоқ институти Ленинград филиалининг КР-3 бўлими гуруҳ раҳбари, Ленинград.
1984–1987-йилларда – СССР „Монтажспецстрой“ вазирлигининг „Севзапметаллургмонтаж“ трестининг бош технологи, бош технологи, бошқарувчи вазифасини бажарувчиси, Ленинград шаҳридаги „Севзапметаллургмонтаж“ трести бошлиғи ўринбосари.
1987–1988-йиллари – „Главленинградинжстрой“ муҳандислик иншоотларини қуриш бош бошқармаси бошлиғининг ўринбосари, Ленинград.
1988–1991-йилларда – „Диалог“ совет-америка қўшма корхонасининг Ленинград филиали директори, Ленинград.
1991–1993-йилларда – „Диалог-Инвест“ Совет-Америка ОАЖ бош директори, Санкт-Петербург.
1993–1995-йиллари – „Россия“ аксиядорлик банки бошқаруви раиси, Санкт-Петербург.
2001–2002-йиллари – „Газпром“ ОАЖ бошқаруви раисининг ўринбосари, Москва.
2002–2004-йиллари – Москва вилояти, Красногорск, Унитед Cомпанй ГРОС МЧЖ молиявий масалалар бўйича вице-президенти.
2004–2007-йиллари- Россия Федерацияси Иқтисодий ривожланиш ва савдо вазирининг ўринбосари, Москва.
2007–2009-йилларда – Биринчи вице-президент – телекоммуникация активларини ривожлантириш комплекси (Телеком тизими) раҳбари, биринчи вице-президент – „Система“ акциядорлик молия корпорацияси ОАЖ „Телекоммуникация активлари“ бизнес бўлими бошлиғи, Москва.
2009–2020-йиллари – „Аэрофлот-Россия ҳаво йўллари“ ХАЖ бош директори, Москва.
_02.jpg)
2020-йил 9-ноябр куни Бош вазир Михаил Мишустин Евгений Дитрих истеъфога чиққанидан кейин Савелевни транспорт вазири лавозимига таклиф қилади[5]. 10-ноябр куни Савелевнинг номзоди Давлат Думаси томонидан маъқулланган. Шу куни президент Владимир Путин Савелевни вазир лавозимига тайинлаш тўғрисидаги фармонни имзолади[6].
Шахсий ҳаёти
Оилали, икки ўғил ва бир қизи бор.
Мукофотлари
- Шон-шараф ордени (Россия Федерацияси)
- "Санкт-Петербургнинг 300 йиллиги" медали
- „Қозон шаҳрининг 1000 йиллиги муносабати билан“ медали
- Россиянинг етакчи интернет холдинг компанияси РосБусинессCонсултинг (РБC) талқинига кўра, „Йил одами – 2011“ мукофотининг „Йил етакчиси“ номинацияси ғолиби (2012[7]).
Манбалар
- ↑ „Руссиан транспортатион министер сайс санcтионс ҳаве “праcтиcаллй брокен алл” логистиcс cорридорс фор траде“. cнн.cом. Қаралди: 2022-йил 11-ноябр.
- ↑ „Аэрофлот Тодай — Струcтуре оф Cомпанй — Боард“. Аэрофлот. 2016-йил 5-мартда асл нусхадан архивланган. Қаралди: 2014-йил 31-декабр.
- ↑ Савелев, Виталий
- ↑ „Савельев, Виталий“. 2016-йил 14-майда асл нусхадан архивланган. Қаралди: 2016-йил 28-апрел.
- ↑ Оперативноэ совещаниэ с вице-премерами
- ↑ „Госдума утвердила кандидатури нових членов правителства. Список“. 2020-йил 10-ноябрда асл нусхадан архивланган. Қаралди: 2023-йил 6-ноябр.
- ↑ РосБусинессCонсултинг