Vitaliy Shashkov
Виталий Валентинович Шашков (1960-йил 22-август, Олмаота, Қозоғистон ССР, СССР) – совет футболчиси, дарвозабон амплуасида ўйнаган[1]. 2014-йилдан 2020-йилгача Самарадаги „Криля Советов“ профессионал футбол клуби бош директори. Россияда хизмат кўрсатган мураббий.
| Шахсий маълумот | |||
|---|---|---|---|
| Таваллуд санаси | 1960-йил 22-август | ||
| Таваллуд жойи | Олмаота, Қозоғистон ССР, СССР | ||
| Бўйи | 176 см | ||
| Амплуаси | Дарвозабон | ||
| Профессионал фаолияти* | |||
| Йиллар | Жамоа | Ишт. | (Гол.) |
| 1980 | СКИФ | 2 | (0) |
| 1980 | Сўғдиёна | 2 | (0) |
| 1981−1984 | Мелиоратор | 48 | (0) |
| 1984−1985 | Восток | 67 | (0) |
| 1986−1987 | Текстилшчик | 14 | (0) |
| 1988 | Мелиоратор | 8 | (0) |
| Бошқарган клублари | |||
| 1988−1992 1992−2004 |
СКА Мерей ССК ВВС | ||
| 1996 | Россия аёллар миллий футбол терма жамоаси | ||
| 2014−2020 | Криля Советов (бош директори) | ||
| *Профессионал клублардаги голлари (ички чемпионат) | |||
Таржимайи ҳоли
Виталий Шашков 1960-йил 22-августда Олмаотада туғилган[1]. Футболчи сифатида „СКИФ“ (Олмаота), „Сўғдиёна“ (Жиззах), „Мелиоратор“ (Қизилўрда), „Восток“ (Ўскемен), „Текстилшчик“ (Иваново) каби футбол клубларида дарвозабон амплуасида ўйнаган[2]. Олмаота шаҳридаги Жисмоний тарбия институтини тамомлаган. Футболчилик фаолиятини якунлагач, мураббий бўлган. Виталий Шашков мамлакатда аёллар футболини биринчилардан бўлиб ривожлантиради. 1988−1992-йилларда Олмаотадаги „СКА-Мерей“ аёллар футбол клубига мураббийлик қилган[2]. 1992-йилда жамоа Самарага кўчиб ўтди ва ўз номини „ССК ВВС“га ўзгартиради. Виталий Шашков мураббийлиги футбол клуби жамоаси тўрт марта аёллар футболи бўйича Россия чемпионатида ғалаба қозонган[2]. 1995-йил декабр ойида Бразилия Футбол Конфедерацияси Россия аёллар миллий футбол терма жамоасини „Бразилия кубоги“ турнирида иштирок этишга таклиф қилади[3], аммо жамоа таркибини тезда йиғишнинг иложи бўлмагани учун ўйинчилар „ССК ВВС“ либосларида ўйинга тушадилар. Жамоа АҚШ (1:8) ва Бразилияга (0:4) мағлуб бўлиб, Украина терма жамоасини (3:1) мағлуб этиб, турнирда учинчи ўринни эгаллаган[3]. 2005-йилдан буён „Криля Советов“ футбол клуби таркибида ишлаб келмоқда[2]. Узоқ вақт давомида Виталий Шашков ёшлар жамоаси ва клуб мактабининг кундалик фаолияти учун мас’ул бўлган[4]. 2010-йилда Шашков жамоанинг спорт директори ўринбосари этиб тайинланди. Кейинчалик вице-президент ва бош директорнинг спорт бўйича ўринбосари лавозимларида ишлаган[5]. 2014-йил 27-июнда Виталий Шашков „Криля Советов“ бош директори лавозимига тайинланди[1]. 2020-йил 4-августда Шашков лавозимидан озод этилади[6].
Ютуқлари
Футболчи сифатида РСФСР кубоги ғолиби (1986)[7], мураббий сифатида тўрт карра Россия чемпиони (1993, 1994, 1996, 2001)[8], тўрт карра Россия вице-чемпиони (1992, 1995, 1997, 1998), Россия кубоги ғолиби (1994), Россия кубоги финалчиси (1995, 1996, 2002), Ҳамдўстлик кубоги ғолиби (1996), 2002–2003-йилги аёллар чемпионлар лигасининг 1/4 финали иштирокчиси бўлган.
Манбалар
- ↑ 1,0 1,1 1,2 „Витали Шашков“. 2025-йил 29-январда асл нусхадан архивланган. Қаралди: 2023-йил 10-сентябр.
- ↑ 2,0 2,1 2,2 2,3 „Шашков Виталий Валентинович“. 2023-йил 29-октябрда асл нусхадан архивланган. Қаралди: 2023-йил 10-сентябр.
- ↑ 3,0 3,1 „Бразил Cуп 1996 (Wомен) (Cампинас)“. 2023-йил 3-февралда асл нусхадан архивланган. Қаралди: 2023-йил 10-сентябр.
- ↑ „Марушко назначен спортивным директором «Крыльев Советов»“ (2010-йил 3-август). 2016-йил 6-мартда асл нусхадан архивланган. Қаралди: 2023-йил 10-сентябр.
- ↑ „«Крылья Советов» назначили нового вице-президента“. 2025-йил 31-январда асл нусхадан архивланган. Қаралди: 2023-йил 10-сентябр.
- ↑ „Корниленко стал спортдиректором «Крыльев», отец рэпера Фараона и Шашков покинули клуб“ (2020-йил 4-август). 2023-йил 11-июлда асл нусхадан архивланган. Қаралди: 2023-йил 10-сентябр.
- ↑ „Футбольный клуб "Текстильщик"“. 2023-йил 28-майда асл нусхадан архивланган. Қаралди: 2023-йил 10-сентябр.
- ↑ „Виталий Шашков – генеральный директор ПФК "Крылья Советов"“. 2023-йил 10-сентябрда асл нусхадан архивланган. Қаралди: 2023-йил 10-сентябр.