Vitim
Витим (юқори қисмида — Витимкан) — Шарқий Сибирдаги дарё, Ленанинг йирик ўнг ирмоғи. Икат тизмасининг шарқий ён бағридан бошланади. Узунлиги 1837км, ҳавзасининг майдони 225 минг км2. Юқори ва ўрта қисмида жануб-шарқ ва шарқдан Витим ясситоғларини айланиб, қуйи қисмида эса Становой тоглиги ва Патом тоғлиги ўртасидан оқиб ўтади. Тоғлар орасидан чиққач, дарё водийси кенгаяди; қуйилиш жойида каттагина делта ҳосил қилган. Витим, асосан, ёмғир, қисман қор ва грунт сувларидан тўйинади. Ўртача сув сарфи 1520 м3/сек. Витим ноябр бошларидан майнинг ўрталаригача музлаб ётади. Витимда қуйилиш жойидан Бодайбо шарқгача (300км) кема қатнайди. Витим ҳавзасида олтин ва слюда конлари бор.
| Витим | |
|---|---|
| |
| Тавсиф | |
| Узунлиги | 1 837 |
| Майдони | 225 000 км² |
| Жойлашуви | |
| |
| Давлат | Россия |
Адабиётлар
- ЎзМЕ. Биринчи жилд. Тошкент, 2000-йил