Vladimir Devlet

Владимир Павлович Девлет [1890.29.9 (11.10), Тамбов – 1958.15.12, Тошкент] – опера хонандаси (баритон), Ўзбекистон халқ артисти (1945). Дастлаб Киев опера театри саҳнасида чиққан (1917). 1920—35 йилларда Одесса, Тбилиси, Свердловск, Владивосток ва б. шаҳар опера театрларида ишлаган. 1937-йилдан Тошкент рус опера ва балет театри, 1948-йилдан Навоий номидаги опера ва балет театри яккахони. 1938-йилдан Тошкент консерваториясида педагог (1942-йилдан доцент). Овози кенг диапазонли бўлиб, ижро услуби етук вокал техникаси билан ажралиб туради. Онегин, Елецкий (П. Чайковский, „Евгений Онегин“, „Қарға моткаси“), Княз Игор (А. Бородин, „Княз Игор“), Риголетто, Жермон (Ж. Верди, „Риголетто“, „Травиата“), Тонио (Р. Леонкавалло, „Машарабозлар“), Эскамило (Ж. Визе, „Кармен“) ва б. партияларни ижро этган.