Vladimir Obruchev
Обручев Владимир Афанасевич (10-октабр 1863-йил, ҳозирги Твер вилояти —19-июн 1956-йил Москва) — рус геологи ва географи, академик (1929), Петербург кончилик институтини тугатган (1886), Томск технология институтида (1919—21), Симферопол университетида (1918—21) ва Москва кончилик академиясида (1921—29) профессор Абадий тўнгликларни ўрганиш комиссияси раиси (1930—39), Фанлар академияси Тўнгликшунослик институти директори (1939—56), Фанлар академияси геология-география бўлимининг академик-котиби (1942—46). Обручев Владимир Сибир, Марказий ва Ўрта Осиё геологиясини тадқиқ этган. Неогентўртламчи даврда Ер пўстининг вертикал ҳаракати аҳамиятини асослаган. Тяншан тоғларининг геология сини атрофлича ўрганган. 1886—88 йилларда Қорақумда илмий тадқиқот ишлари олиб борган ва қумли релефларни 4 тур (барханли, эгри-бугри, жўякли ва чўл)га ажратган. Жунғария Олатовида бир қанча нефт, олтин ва бошқа конларни очган. Илмий ишлари рудали конлар геологияси, геоморфология, географияга бағишланган.
Обручев Владимир номига Россия Фанлар академияси Тўнгликшунослик институти, Кяхта шаҳрида ўлкашунослик музейи, кўпгина географик объектлар, музлик, тоғ, минерал булоқлар, Хи-тойдаги бир қанча тошқотган жинслар ва бошқа қўйилган. Фанлар академияси Сибир геологияси бўйича олиб борилган ишларга В.А.Обручев номидаги мукофот таъсис этган. Ас: Геология Сибири, М., 1935—38; Рудниэ месторождения, М., 1935; История геологического исследования Сибири, М., 1931—49; По горам и пустиням Азии, М., 1948; Избранниэ работи по географии Азии, М., 1951.
Адабиёт
- Мирзаев Э., Владимир Афанасевич Обручев, Т., 1964[1].
Манбалар
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
| Шахсият ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |
- Shaxsiyatlar haqidagi chala maqolalar
- Sovet yozuvchilari
- Rossiya imperiyasida tugʻilganlar
- Akademiklar
- Geograflar
- Alifbo bo‘yicha geologlar
- Sobiq Ittifoq geologlari
- Rossiya Imperiyasi geologlari
- XX asr geologlari
- Alifbo bo‘yicha geograflar
- Sobiq Ittifoq geograflari
- Rossiya Imperiyasi geograflari
- XX asr geograflari
- Geologiya tarixchilari
- Rossiya Fanlar akademiyasi Geologiya instituti direktorlari