Vositachi usuli

Воситачи усули - ўсимликлар селексиясидаги усуллардан бири; икки тур ўсимликнинг чатишмаслигини учинчи тур ўсимлик ёрдамида бартараф этиш. Мас., агар А ва В ўсимлик турлари ўзаро чатишмаса, у ҳолда А тур ўзига яқин С тур билан чатиштирилади, олинган дурагайни эса В тур билан чатиштирилади. В.у.ни биринчи бўлиб И.В. Мичурин ишлаб чиққан ва амалда татбиқ этган. В.у. ғўза селексиясида географик узоқ тур ичида дурагайлашда турларнинг чатишмаслигини бартараф этиш усулларидан биридир. Воситачи сифатида гетерозиготали информацияга эга дурагайларнинг биринчи бўғинидан фойдаланганда В.у. самарали бўлади. Мексика ғўзасини африка-осиё ғўзаси билан чатиштириб олинган бепушт дурагайнинг хромосомалар йиғиндисини икки карра кўпайтириб, ҳаркнес диплоид ғўзаси билан эркин чатишадиган гексаплоид шакли яратилган.

Адабиётлар

• ЎзМЕ. Биринчи жилд. Тошкент, 2000-йил