Voyevodina

Воеводина— Аввал Югославияда, кейинчалик Сербия Республикаси таркибидаги мухтор ўлка. Майд. 21,5 минг км². Аҳолиси 2 млн. кишидан зиёд (1990-йиллар ўрталари). Маъмурий маркази — Нови-сад. Иқлими мўтадил, континентал. Июлнинг ўртача ҳарорати 22-24°, январники 1,2-2,6°. Йиллик ёғин 550–750 мм. Йирик дарёлари: Дунай, Тиса, Тамиш.

В. да ВИ асрда славянлар, ИХ аср охирида венгерлар яшаган. Х асрдан Венгрия қироллиги таркибига кирган, 1526-1918 йилларда В. ҳудуди Габсбурглар монархияси қўли остида, 1918-йилдан Серб, хорват ва словенлар қироллиги (1929-йилдан Югославия) таркибида. 1945-63 йиллар мухтор вилоят, 1963-йилдан мухтор ўлка.

В. — Сербиянинг хўжалиги энг ривожланган қисми. Қ. х. боғдорчилик ва узумчилик, гўшт-сут чорвачилигига ихтисослашган. Саноати маҳаллий хом ашёга асосланган. В. нинг шарқий қисмида нефт ва газ чиқарилади. Тўқимачилик, машинасозлик, кимё, электротехника, селлюлоза-қоғоз, семент, озиқ-овқат саноати ривожланган.

Адабиётлар

• ЎзМЕ. Биринчи жилд. Тошкент, 2000-йил