Vudvorts Robert

ВУДВОРТС (Wоодwортҳ) Роберт (1869. 17.8, Белчертаун, Массачусец штати, АҚСҲ - 1962.4.7, Ню-Ёрк-Сити) -АҚШда функсионал психологиянинт асосчиларидан бири. 1909-йилдан Колумбия университети профессори. Динамик психология ғоясини олға сурган, унинг асосий вазифаси — психик фаолиятнинг турли шакллари нима учун ва қандай пайдо бўлиши ҳамда амалга ошишини ўрганиш деб ҳисоблаган. В. фикрича, хулқ билан онг психологиянинг асосий предметидир. В. психология илмида биринчи бўлиб ғайриодатий хулқ кўринишларини аниқлаш сўровномасини ишлаб чиқди. "Динамик психология" (1918) асарида мотивация, идрок қилиш, ўқитиш ва фикр юритиш назарияларини бирга қўшиш асосида хулқ-атвор нималигини тушунтирди, "Психология" (1921) асари эса мукаммал дарслик бўлиб қолди.

Адабиётлар

• ЎзМЕ. Биринчи жилд. Тошкент, 2000-йил