William Arthur Lewis

Люис Уилям Артур (1925.23.1, Сент-Люсия ороли, Британия Вест-Индияси — 1991) — иқтисодчи олим, иқтисодиёт доктори (1940), Манчестер университети профессор (1948); БМТнинг ривожланаётган мамлакатлар муаммолари бўйича эксперти ва БМТ махсус фонди ижрочи директорининг ўринбосари (1951 — 73); Принстон университети профессор (1968), Барбадосда Кариб тараққиёт банки президенти (1970—73). Леwиснинг илмий ишлари ривожланаётган мамлакатларнинг давлат сиёсати ва иқтисодиёти муаммоларига бағишланган. У ривожланаётган мамлакатларнинг ривожланиб борувчи замонавий саноат ва анъанавий аграр секторлардан иборат "иккиёклама иқтисодиёт" моделини ("Люис модели") яратди.

Люис анъанавий аграр сектордан чекланмаган ресуреларни, ишчи кучини жалб килиш орқали ишлов берувчи саноат ва савдонинг ривожланишини, олинган фойданинг реинвестиция қилинишини асослаб берди, ривожланаётган мамлакатлардаги ишеизлик моделини таклиф қилди (1954). Асосий асарлари: "Иқтисодий ўсиш назарияси" (1955), "Ривожланишни режалаштириш. иқтисодий сиёсат асослари" (1966). Нобел мукофоти лауреати (1979; Тҳеодоре Счултз билан ҳамкорликда).