Xabarovsk
Хабаровск (1893-йилгача Хабаровка) – Россия Федерациясидаги шаҳар (1880-йилдан), Хабаровск ўлкаси маркази, Амур дарёсининг ўнг соҳилидаги порт. Узоқ Шарқнинг муҳим транспорт йўллари чоррахаси. Транспорт йўли стансияси. Аэропорт бор. Аҳолиси 583,1 минг киши (2002).
Хабаровск | |
|---|---|
| Мамлакат | Россия |
| О'лка | Хабаровск о'лкаси |
Шаҳар 1858-йил Хабаровка ҳарбий пости сифатида вужудга келган, 1880-йилдан Приморе вилоятининг маъмурий маркази. 1884-йилдан Приамуре генерал губернаторлиги маркази. 1893-йилдан рус сайёҳи Е. П.Хабаров шарафига Хабаровск деб аталган. 1902-йилда Хабаровскда „Арсенал“ ҳарбий заводи қурилган. 1904-йилдан Амур ҳарбий флотининг базаси. ХХ аср бошларида Хабаровск Узоқ Шарқнинг йирик савдо марказига айланди. 1926-1938-йилларда Узоқ Шарқ ўлкаси маркази.
Машинасозлик ва металлсозлик (станоксозлик, кемасозлик ва кема таъмирлаш, кабел ва бошқа заводлар), нефтни қайта ишлаш, енгил, озиқ-овқат саноати корхоналари бор, қурилиш материаллари ишлаб чиқарилади, кимёфармацевтика заводи фаолият кўрсатади. 8 та олий ўқув юрти, 7 та илмий тадқиқот институти, 3 та театр, ўлкашунослик, адабиёт, бадиий музейлар, телемарказ бор. Шаҳар атрофида 3 та санатория, дам олиш уйлари мавжуд[1].
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |