Xalkopirit

Халкопирит (юн. Чалкос мис ва пирит), мис колчедани — минерал, мис ва темир сулфиди. Кимёвий таркиби CуФеС2 (34,57% мис, 30,54% темир, 34,9% олтингугурт), аралашма ҳолда Аг, Зн, Ау, Ас, Се, Сн кабилар бор. Тетрагонал ва куб сингонияда кристалланади. Мўрт. Яримўтказгич; антиферромагнетик. Донадор, яширин кристалли, баъзан буйраксимон агрегатлар ҳосил қилади. Ранги олтиндек сариқ, тўқ сариқ. Металлдек ялтироқ. Қаттиклиги 3-4, зичлиги 4,1-4,3 г/см3. Деярли барча генетик типдаги магматик конлардан чўкинди конларгача учрайди. Интрузив жинслар орасида жойлашган мис-никел сулфид конларида пирротин, пентландит, магнетит, кубанит ва бошқа минераллар билан бирга топилади. Нураш жараёнида халкопирит ҳисобига куприт, малахит, лимонит, хризоколла ва бошқа минераллар ҳосил бўлади. Халкопирит миснинг энг кўп тарқалган минералли ва мис рудаларининг асосий минерали. Конлари Россия Федерацияси (Норилск), Қозоғистон (Жезқазган), Канада, Испания, Буюк Британия, АҚСҲ, Марказий Африкада мавжуд. Ўзбекистонда Олмалиқ, Қўнғирот, Қўрғошинкон, Қалмоққир, Қўшбулоқ, Қорамозор конларида топилган.