Xochu peremen!
„Хочу перемен!“ (русча: Хочу перемен!, яъни „Ўзгаришларни хоҳлайман!“) („Ми ждём перемен“, яъни „Ўзгаришларни кутяпмиз“ деб ҳам номланади) — „Кино“ совет рок мусиқа гуруҳи ижро этган қўшиқ. Гуруҳнинг 1989-йил эълон қилинган „Последний герой“ студиявий албомига биринчи трек ўлароқ киритилган.
| „Хочу перемен!“ | ||||
|---|---|---|---|---|
| „Кино“ қўшиғи | ||||
| Последний герой албомидан | ||||
| Чиқарилган санаси | 1989 | |||
| Ёзиб олинган | 1989 | |||
| Жанр | янги тўлқин | |||
| Давомийлиги | 4:55 | |||
| Лейбл | Офф Тҳе Траcк Реcордс | |||
| Қўшиқ муаллиф(лар)и | Виктор Сой | |||
| „Последний герой“ хронологияси | ||||
| ||||
| Клипи | ||||
| „Хочу перемен!“ ЁуТубеда | ||||
„Хочу перемен!“ гуруҳ репертуаридаги энг таниқли тароналарнинг биридир. Бугунга қадар таронани бир неча хонанда ва гуруҳ, жумладан, „МултФилми“, „Звери“, „Лоуна“, „С.К.А.Й.“ гуруҳлари ҳамда қўшиқчилар Надежда Кадишева ва Дино МC 47 кавер қилган.
„Хочу перемен!“ ашуласи матнини гуруҳ солисти Виктор Сой ёзган. 2015-йил „Русский репортёр“ журнали ўтказган сўровда қўшиқ матни Россиядаги энг машҳур шеърлар орасида 8-ўринни эгаллаган[1]. „Тиме Оут“ журнали эса қўшиқни „ҳаётимизни ўзгартирган 100 қўшиқ“ (русча: 100 песен, изменивших нашу жизнь) рўйхатига киритган[2].
Қўшиқ илк бор 1986-йил Ленинград рок-клубининг ИВ фестивалида ижро этилган. 1987-йил режиссор Сергей Соловёв олган „Асса“ филмида янграганидан кейин кенг жамоатчилик таронани илк маротаба эшитган. Филм эълон қилинганидан кейин икки йил ўтиб, қўшиқ „Последний герой“ албоми учун қайтадан ёзиб олинган.
Қўшиқ муаллифи ва ижрочиси Сой таронани қайсидир пайтда „перестройка ҳақидаги газета мақоласи ўлароқ талқин қила бошлашгани“, аммо муаллиф уни ёзаётганида ислоҳотлар ҳақида ўйламаганини айтган. Бунга қарамай, ёзувчи Александр Житинский ўша давр контекстида ашула тингловчилар томонидан айнан ижтимоий ўзгаришлар чақириғи олароқ қабул қилингани ҳақида ёзган. Қўшиқ чиндан ҳам Совет Иттифоқида перестройканинг ўзига хос гимнига айланган. Ундан кейинги йилларда эса собиқ совет мамлакатларида, хусусан, Беларусда ислоҳотлар тарафдорларининг мадҳиясига айланган.
Жамоа
- Виктор Сой — вокал, ритм-гитара
- Юрий Каспарян — гитара
- Игор Тихомиров — бас-гитара
- Георгий Гурянов — барабанлар
Манбалар
- ↑ Даша Благова; Виталий Лейбин „Слова не выкинешь“ (русча). Эксперт (25-июн 2015-йил). 2016-йил 19-апрелда асл нусхадан архивланган. Қаралди: 22-июл 2022-йил.
- ↑ Максим Тувим; Антон Милехин; Дмитрий Демидов „100 песен, изменивших нашу жизнь“ (русча). Тиме Оут (7-декабр 2011-йил). 15-май 2013-йилда асл нусхадан архивланган. Қаралди: 22-июл 2022-йил.