Ziyosfera

Xoldar Mamasaliyev

Холдар Мамасалиев (ўзбекча: Холдор Мамасолиев; 1908-йил, Россия Империяси Фарғона вилояти Андижон уезди Оққўрғон қишлоғи — 1976-йил, СССР Қирғизистон ССР Жалолобод вилояти Ленин тумани) — Қирғизистон ССР Жалолобод вилояти Новкен тумани Сталин номидаги колхоз пахтакори. Социалистик Меҳнат Қаҳрамони унвони соҳиби (1948).

Холдар Мамасалиев
Таваллуди 1908-йил
Россия Империяси Фарғона вилояти Андижон уезди Оққўрғон қишлоғи
Вафоти 1976-йил
СССР Қирғизистон ССР Жалолобод вилояти Ленин тумани
Фуқаролиги СССР
Касби пахтакор
Унвони Социалистик Меҳнат Қаҳрамони
Ленин ордени

Биографияси

Холдар Мамасалиев 1908-йилда Жалолобод вилояти Ленин туманидаги Оққўрғон қишлоғида (ҳозирги Сакалди қишлоғи) деҳқон оиласида таваллуд топган, миллати ўзбек. Ота-онасидан эрта етим қолган Мамасалиев бойлар учун ёлланма хизматкор, мардикорлик қилади. Қирғизистоннинг ҳозирги Новкен вилояти ҳудудидаги колхоз ҳаракатини ташкил этиш ишларида иштирок этган. 1930-йилдан Ленин тумани Сталин номидаги колхозда пахтакор бўлиб фаолият юритган. Иккинчи жаҳон уруши бошланиши билан биринчилардан бўлиб фронтга жўнайди[1].

Демобилизациядан сўнг Мамасалиев Қирғизистонга қайтиб келади ва у ерда Ленин туманидаги „Коммунизм“ колхозида ишлашни давом эттиради. Кейинчалик Мамасалиев колхознинг пахтачилик бўлимига раҳбар этиб тайинланади.

Мамасалиев урушдан олдин пахта етиштириш хўжалигида катта тажриба орттирган. Звено аъзолари билан биргаликда 3 гектар майдонга ниҳол экиб, уни парваришлашда чорва гўнгидан фойдаланиш ва бу орқали мўл ҳосил олишни йўлга қўяди. 1947-йил Мамасалиевнинг бўлинмаси учун оғир ва унумли меҳнат йили бўлади. Ишлар самараси мисли кўрилмаган натижа беради, пахта хомашёси йиғим-терими биринчи қор ёғгунга қадар давом этади. Сентябр ойи охирига қадар давлат топшириғи бажариб бўлинган бўлса, кейинги икки ойда 3 гектар майдоннинг ҳар гектаридан 89,3 сентнердан оқ олтин олиниб, қарийб 27 тонна пахта хомашёси топширилади. Кейинги йили 6 гектар майдондан олинган ҳосил 73 сентнерга етади. Мамасалиев 32 йил давомида „Коммунизм“ колхозида ирригатор, бригада бошлиғи ҳамда бригадир[2] лавозимларида хизмат қилади.

Мукофотари

СССР Олий Кенгаши Президиумининг 1948-йил 26-мартдаги фармони билан унга Социалистик Меҳнат Қаҳрамони унвони берилади. Ленин ордени ва Қаҳрамонлик олтин юлдузини кўксига тақишганда, у 40 ёшда бўлади.

Самарали меҳнат фаолиятини якунлаб, нафақага чиққанидан сўнг, Мамасалиев 1976-йил Новкен тумани Сакалди қишлоғида 68 ёшида вафот этади.

Мукофотлари

Адабиётлар

  • „Қирғизистон“. Улуттук энсиклопедияси: 1-жилд. Бошлар эд. Асанов Й. А., Б.: Мамлекеттик тил жана энсиклопедия борбору, 2006 . ИСБН 9967-14-046-1
  • Борбугулов М., Ош тарйҳй энсиклопедияси, Фрунзе, 1989 й .
  • Қўл остида Жураэва Б. Ж. „Қирғизистон равнақи йўлида“ Қирғизистоннинг кўзга кўринган ўзбеклари ҳақида энциклопедик нашр, 336 бет, „Ризвон“, Ўш шаҳри, 2017 й .

Манбалар

  1. ↑ Памят народа
  2. ↑ „Ноокенде 15 Социалисттик эмгектин баатыры бар“. 2017-йил 1-августда асл нусхадан архивланган. Қаралди: 2017-йил 1-август.

Ҳаволалар

"https://new.ziyosfera.uz/ziyo/Xoldar_Mamasaliyev" dan olindi