Xuroson (Yakkabogʻ)

Xuroson — Qashqadaryo viloyati, Yakkabog‘ tumanidagi cho‘qqi. Nomining tarkibi: xur + oson. Eroniy tillarning qadimiy o‘tmishida xur\qur\kur – quyosh ma’nosini bildirgan. Xurshid so‘zi ham shu nom bilan bog‘liq. So‘nggi qismi oson\asan\osan\ason esa kun chiqar, sharq ma’nolarini anglatadi.

O‘tmishda Eronning sharqiy-shimoliy qismi Xuroson viloyati deb atalgan va bu nom miloddan avvalgi 3-asrdan ma’lum. Sosoniylar bu hududni kunchiqar, sharq – Xuroson deb atagan. Hududga Marv vohasi va Afg‘oniston shimoli-sharqiy qismi ham kirgan. Cho‘qqi joylashishiga ko‘ra nomlangan: Yakkabog‘ tumanining sharqiy chegarasida joylashgani sababli Xuroson — "kun chiqar tomonidagi cho‘qqi" deb nom olgan.