Ya svoboden!
„Я свободен!“ (русча: Я свободен!, яъни „Мен озодман!“) — рус қўшиқчиси Валерий Кипелов ёзган ҳеавй метал жанридаги қўшиқ. Қўшиқ матнини Кипелов Маргарита Пушкина билан ҳамкорликда ёзган. Қўшиқ илк бор 1997-йил Кипелов ҳамда гитарачи Сергей Маврин ҳамкорликда чиқарган „Смутное время“ албомида эълон қилинган. Ашула кейинчалик бир неча марта Кипеловнинг ўзи, у тузган „Кипелов“ гуруҳи ҳамда Маврин тузган „Маврин“ гуруҳлари томонидан қайта ёзилган ва турли албом ва сингллар билан эълон қилинган. Хусусан, Маврин „Криля“ номи билан қўшиқнинг инструментал версиясини ёзган.
| „Я свободен!“ | ||||
|---|---|---|---|---|
| қўшиғи | ||||
| Смутное время албомидан | ||||
| Чиқарилган санаси | 1997 | |||
| Ёзиб олинган | 1997 | |||
| Жанр | ҳеавй метал | |||
| Давомийлиги | 07:29 | |||
| Лейбл | Мороз реcордс | |||
| Қўшиқ муаллиф(лар)и |
| |||
| Бастакор(лар) | Валерий Кипелов | |||
| Продюсер(лар) | Рина Ли | |||
| „Смутное время“ хронологияси | ||||
| ||||
| Клипи | ||||
| „Я свободен!“ ЁуТубеда | ||||
„Я свободен!“ „Кипелов“ гуруҳининг энг таниқли қўшиқларидан биридир. Кипелов айнан шу қўшиқ туфайли яккахон карерасида муваффақиятга эришганини айтган[1]. 2015-йилда „Русский репортёр“ журнали томонидан Россиядаги энг машҳур 100 та шеърни аниқлаш учун ўтказилган ижтимоий тадқиқотда „Я свободен!“ матни 15-ўринни эгаллаган[2]. Рўйхатга ҳам рус, ҳам хорижий тиллардаги шеърлар киритилган.
Қўшиқнинг лирик қаҳрамони суюклиси ҳамда ўтмиши билан хайрлашиб, ўзини тақдирдан ҳамда одамларнинг гап-сўзларидан озод ҳис қилади. Кипеловнинг сўзларига кўра, „Я свободен!“ қўшиғи унинг ижодий ва шахсий ҳаётининг маълум бир даврида ёзилган бўлиб, ҳар доим ҳам унинг ҳозирги ҳолатини акс эттирмайди. Маргарита Пушкинанинг сўзларига кўра, у ёзган матннинг илк версияси якуний версиядан кескин фарқ қилади. Пушкина бошида урушда ҳалок бўлган аскар ҳақида шеър ёзган бўлган.
Манбалар
- ↑ Валерий Кипелов: "Ми эщэ можем сиграт с „Ариэй“ (Wайбаcк Мачине сайтида 2009-01-18 санасида архивланган) — Маил.ру
- ↑ Виталий Лейбин, Наталья Кузнецова. „Слова не выкинешь. Какие песни мы поем в душе и какими стихами говорим“. русреп.ру (2015-йил 26-июн). 2016-йил 19-апрелда асл нусхадан архивланган. Қаралди: 2016-йил 10-апрел.
Ҳаволалар
- „Я свободен!“ ЁуТубеда
- „Криля“ ЁуТубеда (Маврин ёзган инструментал)