Yashin Babayev
| Яшин Бабаев | |
|---|---|
 | |
| Таваллуди |
1967-йил 26-март Ромитан тумани, Бухоро вилояти, Ўзбекистон ССР |
| Фуқаролиги |
 Ўзбекистон |
| Иш жойлари | Пахта селексияси, уруғчилиги ва етиштириш агротехнологиялари илмий-тадқиқот институти |
| Таълими | Тошкент қишлоқ хўжалиги институти |
| Илмий даражаси | қишлоқ хўжалиги фанлари доктори |
| Илмий унвони | профессор |
| Мукофотлари |
 |
Яшин Аманович Бабаев (1967-йл 26-март, Ромитан тумани, Бухоро вилояти, Ўзбекистон ССР) — ўзбекистонлик олим, қишлоқ хўжалиги фанлари доктори[1], профессор.
Биографияси
Яшин Бабаев 1967-йил 26-март куни Ромитан тумани Тошмачит қишлоғида зиёли оиласида туғилган[2]. Тошкент қишлоқ хўжалиги институтининг агрономия факултетини тамомлаган (1991). 1992—1993-йилларда Ўзбекистон Ғўза селексияси ва уруғчилиги илмий-тадқиқот институти „Тезпишар ва паст бўйли ғўза навлари селексияси“ лабораторияси лаборанти, 1993—2001-йилларда ушбу лабораториянинг кичик илмий ходими, катта илмий ходими, 2001—2005-йилларда шу институтнинг илмий котиби, 2005—2006-йилларда институтнинг бош директори, 2007—2012-йилларда институтнинг „Ғўза уруғчилиги ва уруғшунослиги“ лабораторияси мудири, 2012—2013-йилларда институт директорининг илмий ишлар бўйича ўринбосари, 2013—2014-йилларда институтнинг „Ғўза уруғчилиги ва уруғшунослиги“ лабораторияси мудири, 2015—2016-йилларда Пахта селексияси, уруғчилиги ва етиштириш агротехнологиялари илмий-тадқиқот институти „Интенсив типга мансуб ғўза навлари сселексияси“ лабораторияси мудири, 2016—2020-йилларда Пахта селексияси, уруғчилиги ва етиштириш агротехнологиялари илмий-тадқиқот институти илмий котиби, 2021-йилдан Пахта селексияси, уруғчилиги ва етиштириш агротехнологиялари илмий-тадқиқот институтининг „Интенсив ғўза навлари селексияси“ лабораторияси мудири лавозимида фаолият юритиб келмоқда[2].
Илмий фаолияти
Олим аналитик, трансгрессив ва конвергент селексия усулларини қўллаш ҳамда уларни такомиллаштириш асосида интенсив, тезпишар, юқори маҳсулдор, вертициллиум ва фузариум вилт замбуруғларининг янги вирулент патогенларига бардошли, тола чиқими юқори (38-40%) ва сифати ИВ—В типга жавоб берадиган янги ғўза навларини яратиш бўйича илмий тадқиқотлар олиб боради. 115 дан ортиқ илмий мақолалар ва тезислар ҳамда 1 та рисола ғўзанинг С-8290, С-8294, С-8295, С-8296 ва С-8292, С-8297 навлари муаллифи. Ўзбекистон Республикаси мустақиллигининг 25 йиллиги ва 2019-йилда эса Ўзбекистон Республикаси қишлоқ хўжалиги фидойиси кўкрак нишони билан тақдирланган[2].