Yeldar Kantimirov

Елдар Шукриёвич Кантимиров (1980-йил 10-июн, Ўзбекистон ССР, Бегобод) – қрим-татар жамоат арбоби. Қрим ҳокимияти томонидан таъқиб қилинган.

Елдар Кантимиров
Таваллуди	10-июн 1980-йил Бегобод, Тошкент вилояти, ЎзССР
Фуқаролиги	СССР
Касби	сиёсатчи

Биографияси

Елдар Шукриевич 1980-йил 10-июнда Ўзбекистон ССР, Бегобод шаҳрида таваллуд топган. Бошланғич билимни Бегободда олган, кейин 1992-йилда унинг оиласи Қримга қайтишга муваффақ бўлган.

Елдар мактаб йилларида Қрим чемпиони, шунингдек, бокс бўйича Украина чемпионати совриндори (иккинчи ўрин) бўлган. Мактабни тугатгач, Киев Ислом университетига ўқишга кирган. Илмий муваффақияти туфайли 2001-йилда Мисрнинг Ал-Азҳар университетида амалиёт ўташ ҳуқуқини қўлга киритган. Елдар Кантимиров маълумоти бўйича арабшунос. Ҳибсга олинишидан олдин ислом динини ўрганишда давом этган. У сувенирлар савдоси бўйича кичик бизнесга эга эди.

Кантимиров 2014-йилдан бошлаб жамоат фаолияти билан шуғуллана бошлаган. У суд мажлислари ва сиёсий мотивли ишлар бўйича тинтувларда қатнашган.

Жиноий таъқиб

Елдар Кантимиров 2017-йилда „Қрим-татарлар террорчи эмас“ плакати билан қрим-татарларга миллий ва диний сабабларга кўра зулм қилинишига қарши чиққан. У ҳибсга олинган ва „пикет ўтказишда белгиланган тартибини бузганлиги“ учун маъмурий жавобгарликка тортилган (Россия Федерацияси Маъмурий жавобгарлик тўғрисидаги кодексининг 20.2-моддаси 5-қисми) Елдар 10 000 рубл миқдорида жаримага тортилган.

2017-йилнинг ноябр ойида Елдар Кантимировнинг уйида илк бор тинтув ўтказилган. Қидирувга полиция ва махсус кучлар жалб қилинган. Кантимировнинг барча электрон жиҳозлари мусодара қилинган, бироқ унга нисбатан ҳеч қандай айблов қўйилмаган.

Кантимиров бўлиб ўтган таʻқиб ва тинтувларга қарамай ўзининг ижтимоий фаолиятини тўхтатмаган. У Алушта ва Симферопол вилоятларида болалар байрамларини ташкил қилишни бошлаган. У охирги таътилни ҳибсга олинишидан бир кун олдин 2019-йил 8-июнда Алушта шаҳридаги Кутузивка қишлоғида ўтказган.