Yevgeniy Kamenev
Евгений Михайлович Каменев (1910-йил 26-феврал, Тошкент – 1963-йил, Москва) – совет радиофизики, давлат мукофотлари лауреати, Улуғ Ватан уруши қатнашчиси.
| Евгений Каменев | |
|---|---|
| Таваллуди |
26-феврал 1910-йил Тошкент |
| Вафоти |
1963-йил Москва |
Таржимаи ҳоли
Каменев 1910-йил 26-февралда Тошкент шаҳрида таваллуд топган. Отаси фармацевт (казаклардан), онаси савдогар бўлган.
1927-йилда Ўрта Осиё университетининг (САГУ) физика-математика факултетига ўқишга кирган. Сўнгра касаллик (тропик безгак) туфайли Ленинград саноат институтига (ЛИИ) ўқишини кўчиб ўтказган ва уни 1934-йилда тугатиб, мутахассислик дипломини олган. Евгений радиофизика соҳасида тадқиқотчи муҳандис бўлган. 1932-йилдан радиофизика лабораториясида ишлаган[1].
1936-йилда ОСОАВИАХИМ (Мудофаа, авиация ва кимё муҳандислигини тарғиб қилиш жамияти) учувчилар ва планерлар мактабини тамомлаган. 1939-йилда ЛПИ тавсиясига кўра "Ҳурмат Белгиси" ордени билан тақдирланган.
Евгений Каменев 1939–1940 ва 1941–1946-йилларда Қизил Армия сафида хизмат қилган. Совет-Фин ва Улуғ Ватан уруши қатнашчиси бўлган ва уч марта Ватан уруши ордени билан тақдирланган[2].
1946–1963-йиллар оралиғида Атом энергияси институтида фаолият олиб борган. 1947-йилдан 2-сонли лаборатория ва диффузия заводи ишини таъминлаш учун технологик жараёнларни бошқариш, масофавий сигнализация, физик ва физик-кимёвий тадқиқотларни ишлаб чиқиш билан шуғулланадиган лабораторияга раҳбарлик қилган[3].
Евгений 1951-йилдан уран изотопларини ажратиш учун сентрифугаларни яратишда иштирок этган. 1953-йилдан бошлаб ядровий қуролнинг атмосфера синовларини масофадан қайд этиш масалалари устида бир қанча изланишлар олиб борган.
Фадиофизик олим 1963-йил Москва шаҳрида вафот этган.
Мукофотлари
Каменев 1954-йилда "Ҳурмат белгиси" ордени ҳамда 1956-йилда "Меҳнат Қизил Байроқ" ордени билан мукофотланган.
1951-йил Сталин ва 19661-йил Ленин мукофотлари соҳиби бўлган.
Манбалар
- ↑ „Каменев Евгений Михайлович“. Қаралди: 2023-йил 30-ноябр.
- ↑ „Сотрудники НИЦ "Курчатовский институт" — участники Великой Отечественной войны“. Қаралди: 2023-йил 30-ноябр.
- ↑ „История советского атомного проекта. Вып. 1. — 1998“. Қаралди: 2023-йил 30-ноябр.