Yevgeniy Mankos

Евгений Георгиевич Манкос (1941-йил 26-июл, Москва, РСФСР, СССР – 2003-йил 3-апрел, Уляновск, Россия) – совет хоккейчиси ва футболчиси, мураббий, СССРда хизмат кўрсатган мураббий (1985). 1991-йилда СССР коптокли хоккей терма жамоаси, 1991-йилдан 1992-йилгача МДҲ миллий коптокли хоккей терма жамоаси бош мураббийи. 1992-йилдан 1994-йилгача Россия коптокли хоккей терма жамоаси бош мураббийи.

Евгений Манкос

Шахсий маълумот
Тўлиқ исми	Евгений Георгиевич Манкос
Таваллуд санаси	26-июн 1941-йил
Таваллуд жойи	Москва, СССР
Вафот санаси	3-апрел 2003-йил(2003-04-03) (61 ёшда)
Вафот жойи	Уляновск, Россия
Бўйи	167 cм (5 фт 5 1⁄2 ин)
Амплуаси	Ҳужумчи
Профессионал фаолияти*
Йиллар	Жамоа	Ишт.	(Гол.)
1962	Фили
1964—1966	Авангард
1970	Политотдел
1970—1973	Янгиер
1974	Металлург (Тула)
*Профессионал клублардаги голлари (ички чемпионат)

Ҳаёти

Евгений Георгиевич Манкос 1941-йил 26-июл Москва шаҳрида туғилган. У 10 ёшидан бошлаб Машиностроител мактабида таҳсил ола бошлаган. Евгений Манкос 1954—1959-йилларда „Буревестник“ ёшлар жамоаларида ўйнаган. Унинг катталар жамоасидаги дебютини CСК МО клубида амалга оширган ва у ерда бир мавсумни ўтказган. Фаолиятининг асосий қисми „Динамо“, „Зорк“ ва „Фили“да ўтган. Коптокли хоккей бўйича СССР чемпиони (1967), СССР чемпионатининг кумуш медали совриндори (1966, 1968). Коптокли хоккей бўйича РСФСР чемпиони (1971), Бутуниттифоқ касаба уюшмалари марказий кенгаши кубоги совриндори (1980). Евгений Манкос Кейинчалик ўзини футболда синаб кўрган. „Авангард“ (Коломна), „Торпедо“ (Подолск), Ўзбекистоннинг Политотдел ва Янгиер клубларида тўп сурган. Унинг сўнгги клуби „Металлург“ (Тула) бўлган.

Мураббийлик фаолияти

Евгений Манкос фаолиятини якунлаб, дастлаб „Зоркий“ ХК ёшлар жамоасида, „Зоркий“ футбол жамоасида ишлади. Жамоа билан Москва вилояти чемпионатида ғолиб чиқди ва икки марта Касаба уюшмалари марказий кенгашининг Бутуниттифоқ кубогини қўлга киритди.

Кейинги фаолияти коптокли хоккей жамоаларида ишлаш билан боғлиқ.

Клуб жамоаларидан „Зоркий“, „Север“, „Волга“ билан ишлаган. Унинг раҳбарлигида „Зоркий“ икки марта мамлакат чемпиони (1992, 1993), СССР чемпионатининг кумуш медали (1983, 1985, 1991), СССР чемпионатининг бронза медали совриндори (1982, 1987, 1989), СССР чемпионати ғолиби бўлган. СССР чемпионати Кубоги (1985, 1986, 1989, 1990, 1991), Россия кубоги ғолиби (1993), Европа кубоги ғолиби (1992) ва жаҳон чемпионати ғолиби (1990) бўлган.

У мамлакат терма жамоалари билан ишлаган: 1991—1994-йилларда СССР, МДҲ ва Россия терма жамоалари бош мураббийи бўлган.

Манкос бошчилигидаги Россия жамоаси 1993-йилги Жаҳон чемпионатида кумуш медалларни қўлга киритди. МДҲ терма жамоаси 1992-йилда халқаро турнирнинг бронза медали совриндори бўлди ва Россия терма жамоаси 1994-йилги турнирда бронза медалини қўлга киритди. 1985—1987-йилларда СССР иккинчи терма жамоаси, 1987—1988-йилларда СССР ўсмирлар терма жамоаси бош мураббийи бўлган. СССР терма жамоаси Манкос қўл остида 1988-йилги ўсмирлар ўртасидаги жаҳон чемпионатида бронза медалларини қўлга киритган. Унинг иштирокида СССР терма жамоаси 1991-йилги Жаҳон чемпионатида олтин медалларни қўлга киритди.

У 2003-йил 3-апрелда Уляновскда вафот этди. Москвадаги Митинское қабристонига дафн этилган.

Ҳаволалар

• Е. Г. Манкос на сайте «Спортивный некрополь»
• У Манкоса не выдержало сердце «Экспресс-газета»
• Манкос окрыляет «Зоркий» «Греческая газета»