Ziyosfera

Yevgeniya Kogan

Коган Евгения Соломоновна (1886-йил 6-июн, Самара – 1938-йил 28-июл, Москва) – инқилобчи, совет партияси раҳбари. В.В.Куйбишевнинг иккинчи хотини (1917–1919).

Коган Евгения Соломоновна
Таваллуди 6-июн 1886-йил
Самара
Вафоти 28-июл 1938-йил(1938-07-28)
(52 ёшда)
Москва
Фуқаролиги Rossiya bayrogʻi Россия империяси Россия империяси→SSSR bayrogʻi СССР
Таълими гимназия, ўқитувчилар курслари
Дини йўқ (атеист)
Турмуш ўртоғи В. В. Куйбишев
Болалари Куйбишева Галина Валерияновна
Мукофотлари

Ҳаёти

Ёшлиги

Коган Евгения Соломоновна 1886-йил 6-июнда Самара шаҳрида туғилган (баъзи маълумотларда Киев вилояти, Уман шаҳрида[1]). Миллати яҳудий[2]. У ўрта мактабни, кейин педагогика курсларини тугатган ва мактабларда ўқитувчи бўлиб ишлаган ҳамда Москва университетига киришни режалаштирган[3].

Инқилобий фаолияти

Коган Евгения Соломоновна 1905-йилда инқилоб бошланиши билан ўзини сиёсатга бағишлашга қарор қилди. 1907-йилда у РСДЛП аъзоси бўлди. Партия ишида қатнашиб, бўлажак эри, таниқли болшевик В.В.Куйбишев билан учрашди. У оиласини ташлаб, ўзини инқилоб ишига бағишлади. У автократияни зўравонлик билан ағдаришга бағишланган оммавий чақириқлардаги иштироки учун бир неча бор ҳибсга олинди[3].

1908-йилда икки йилга Вологда вилоятига сургун қилинди.

1910–1912-йилларда Николаев, Одесса, Херсон шаҳарларида, 1913-йилда эса Киевда ноқонуний партия ишларида қатнашди.

1912-йил болшевикларнинг „жанговар отрядлари“дан бирига қўшилди[3].

1914-йилда қурол ва ўқ-дориларни ноқонуний сақлагани учун ҳибсга олинди. Тергов чўзилиб кетди ва иш судгача бормади[3]. (Баъзи маълумотларга кўра икки йилга Полтава вилоятига сургун қилинди).

1915-йилда жамоат полицияси назорати остида Самарага кўчирилди.

1917-йил Самара вилояти инқилобий қўмитаси аъзосига айланиб, Самарадаги Октябр инқилобининг фаол иштирокчиси бўлди[3].

Фуқаролар уруши даврида

1917-йилдаги феврал инқилобидан сўнг, РСДЛП Самара вилоят қўмитасининг ташкилий ишлар бўйича котиби, Самара Кенгаши ижроия қўмитасининг аъзоси бўлди.

1918–1920-йилларда 1-армия инқилобий трибуналининг аъзосига айланди.

Кейинги фаолияти

1920–1921-йилларда Болшевиклар Бутуниттифоқ Коммунистик партияси Тошкент шаҳар қўмитаси котиби бўлди.

1921–1926-йилларда КПСС Соколники туман қўмитасининг агитпроп бўлими мудири бўлди. 1926–1930-йилларда Болшевиклар Бутуниттифоқ Коммунистик партияси Москва вилояти қўмитаси бўлим мудири бўлди. 1930-йилда Болшевикларнинг Бутуниттифоқ Коммунистик партияси (МГК) Москва шаҳар қўмитасининг тарғибот бўйича котиби бўлди. 1931–1934-йилларда Болшевиклар Бутуниттифоқ Коммунистик партияси Москва шаҳар қўмитасининг иккинчи котиби бўлди. 1934-йилда Болшевиклар Бутуниттифоқ Коммунистик партияси Марказий тафтиш комиссияси аъзосига айланди. 1936–1937-йилларда Москва шаҳар кенгаши раисининг ўринбосари бўлди.

Ҳибсга олиниши ва ўлими

Коган Евгения Соломоновна 1937-йил 2-ноябрда „Москва ўнг қанот троцкий маркази“ни ташкил этишда айбланиб ҳибсга олинган. К.П.Чудинованинг фикрича, Коган қийноқларга дош беролмай, айбини тан олиш баённомасига имзо чекди[4].

У 1938-йил 28-июлда отиб ташланган. Вафотидан кейин, 1954-йил 3-ноябрда реабилитация қилинган[5][3].

Мукофотлари

Коган Евгения Соломоновна 1931-йил 8-мартда Халқаро хотин-қизлар кунининг 20 йиллиги муносабати билан ҳамда меҳнаткаш ва деҳқон аёлларни коммунистик тарбиялаш соҳасидаги меҳнати учун "Ленин ордени" билан тақдирланди.

Адабиётлар

Манбалар

  1. ↑ Зенькович 2005.
  2. ↑ „Жертвы политического террора в СССР“. 2011-йил 31-январда асл нусхадан архивланган. Қаралди: 2019-йил 26-август.
  3. ↑ 3,0 3,1 3,2 3,3 3,4 3,5 „Биография: Коган Евгения Соломоновна“. 2013-йил 2-декабрда асл нусхадан архивланган. Қаралди: 2013-йил 18-ноябр.
  4. ↑ Чудинова 1991.
  5. ↑ „Жертвы политического террора в СССР“. 2011-йил 31-январда асл нусхадан архивланган. Қаралди: 2013-йил 10-январ. 
"https://new.ziyosfera.uz/ziyo/Yevgeniya_Kogan" dan olindi