Yokohama
Ёкоҳама, Иокогама —Япониядаги шаҳар. Хонсю оролда, Токио қўлтиғи соҳилида. Канагава префектурасининг маъмурий маркази. Аҳолиси 3,3 млн. киши (1995). Ёкоҳамага 1858 йилда асос солинган. ХИХ аср нинг 70-йилларида йил Япониянинг энг катта портларидан бири эди (мамлакат ташқи савдо айланмасининг 70%и). Шаҳар 1923 йилда зилзила ва ёнғиндан, 1945 йилда Америка авиацияси бомбардимонидан катта зарар кўрди. Ёкоҳама — мамлакатнинг йирик иқтисодий маркази ва порт шаҳри, халқаро аҳамиятга эга муҳим транспорт йўллари тугуни. Электрлаштирилган темир йўл ва кема қатнайдиган канал орқали Токио ш. билан боғланган. Ёкоҳама порти юкларни қабул қилиш ва жўнатишда мамлакатда 2-ўринда (йиллик юк ортибтушириш 100 млн. т дан зиёд). Ёкоҳама Токио ва Кавасаки шаҳарлари билан бирга Канто индустриал раёнини ташкил этади. Шаҳарда йирик япон банклари, монополистик консерн ва савдо фирмаларининг филиаллари жойлашган. Кемасозлик, транспорт ва электроэнергетика машинасозлиги, қора металлургия, нефт-кимё саноати тармоқлари ривожланган. Атом саноати корхоналари, ҳарбий заводлар (жумладан, самолёцозлик), ип ва ипак газлама ф-калари бор. Ойна-керамика буюмлари ишлаб чиқарилади. Метрополитен бор.[1]