Yoqub Ahmedov
| Ёқуб Аҳмедов | |
|---|---|
|
Ёқуб Аҳмедов 2012-йилда | |
| Таваллуди |
3-январ 1938-йил |
| Вафоти |
30-октябр 2025-йил (87 ёшда) Тошкент |
| Фуқаролиги |
|
| Касби | Актёр |
| Мукофотлари |
|
Ёқуб Аҳмедов (1938-йил 3-январда Наманган, – 2025-йил 30-октабр, Тошкент) – Совет ва О'збек театр - кино актёри, дубляж устаси. СССР халқ артисти (1991). Ўзбекистон ССР халқ артисти (1974)[1]. Тошкент санъат институтини тугатган (1959). 1958-йилдан Ҳамза театрида. Дастлабки йиллар яратган Али Қушчи (Мақсуд Шайхзода, „Мирзо Улуғбек“), Мурод (Уйғун, „Парвона“), Лейстер (Фридрих Шиллер, „Мария Стюарт“) каби роллари билан ўз ижод йўлини белгилаб олди.
Аҳмедов ижоди ижтимоий ва ғоявий мазмунга тўла, уфқи кенг, кўп қиррали. Қаҳрамон ҳатти-ҳаракатларини тўғри гавдалантириш билан бирга унинг руҳини, тафаккур кучини, фикр ва ҳиссиётлар тўлқинини, унинг кайфиятини, буюк инсоний фазилатларини очишга интилади.
Энг яхши роллари: Ҳакимбойвачча (Ҳамза, „Бой ила хизматчи“), Саксон Нуртоевич (О. Жаҳонова, „Ҳазрати аёл“), Тўлаган (А. Иброҳимов, „Пуч“), Кайҳисрав (С. Сирожиддинов, „Тўмарис“), Алишер Навоий (Уйғун, И. Султон, „Алишер Навоий“), Икромжон (Саид Аҳмад, „Уфқ“) ва бошқалар.
Кинода: Фурқат („Фурқат“), Амир Олимхон („Қора консулнинг ҳалокати“), Шайх Исмоил („Оловли йўллар“), Султонали („Зулматни тарк этиб…“), Ота („Кетма“), Азиз-бек, Юсуфбек ҳожи ("Ўтган кунлар") каби роллари билан танилди. Шунингдек, бир қанча видеофилмларда ҳам турли характердаги кишилар образини яратди: Муҳиддин (Одил Ёқубов, „Улуғбек хази-наси“), Расул Оллоёрович (Ў. Усмонов, „Гирдоб“), Алишер Навоий (Ойбек, „Алишер Навоий“), Сандро (Нодар Думбадзе, „Абадият қонуни“) ва бошқалар. Алишер Навоий образини Аҳмедов ўзига хос талқин этди. "Дўстлик" ордени билан мукофотланган (1997).
Ёқуб Аҳмедов шунингдек дубляж устаси сифатида 1200дан ортиқ филмлар дубляжида иштирок этган.
1993- йилдан 2012- йилгача Ўзбек миллий академик драма театри директори.
2013-йилдан умрининг охригача О'збекистон театр арбоблари уюшмаси раиси лавозимларида хизмат қилган. Ёқуб Аҳмедов узоқ давом этган охир ҳасталикдан со'нг 2025- йилнинг 30-октабрида Тошкент шаҳрида 87 ёшида вафот этди.
Оиласи
Ёқуб Аҳмедов актриса Клара Жалилова билан турмуш қуради ва бир неча йилдан сўнг улар ажрашишади. Уларнинг Фурқат Аҳмедов исмли ўғли бор[2][3].
- қизи Ситора Аҳмедова 1992-йилда таваллуд топган – актриса ва қўшиқчи. Фақат ғалаба, Қайдасан, муҳаббат, Айрилиқ 2, Ўзи уйланмаган совчи филмиларида суратга тушган. Фаёз гуруҳининг „Мани танла“ клипида суратга тушган.
- қизи Нодира Абдуллаева (Аҳмедова) – мактабда дарс беради ва „Аслзода“ келин кўйлаклари салони раҳбари бўлиб ишлайди. 2002-йилда Рихситулла А.га турмушга чиққан.
- набираси: Тожираҳмон Абдуллаев, Аслзода ва Моҳизода.
- куёви Риҳситулла Абдуллаев 1978-йил 5-апрелда Тошкентда таваллуд топган – ўзбек кино ва театр актёри.
- биринчи турмуш ўртоғи – актриса Жалилова Клара Алимадатовна. Аҳмедов Фурқат Ёқубович ўғли.
Вафоти
Ёқуб Аҳмедов 2025-йил 30-октябрда вафот этди[4].
Филмография
Филм
| Йил | Филм номи | Рол |
|---|---|---|
| 1958 | "Мафтунингман" | |
| 1977 | "Шум бола (филм)" | |
| 1989 | "Тангалик болалар" | |
| 1991 | "Ау! Ограблениэ поэзда" | |
| 1997 | "Ўтган кунлар (филм)" | |
| 2003 | "Тақдир" | |
| 2004 | "Қалблар тўлқини" | Йўлдошев |
| 2009 | "Қасд" | |
| 2010 | "Таҳдид" | |
| 2014 | "Кўргим келади" | |
| 2014 | "Хонадон эгаси" | медицина профессори |
| 2016 | "Барон" | Иззатнинг отаси |
| 2016 | "Барон 2" | Иззатнинг отаси |
Сериал
| Йил | Филм номи | Рол |
|---|---|---|
| 1998-2003 | "Шайтанат" | Холид домла |
| 1998 | Чархпалак | Фатхулла |
| 2000 | "Сардор" | Генерал |
| 2006 | "Мафтуна" | |
| 2006 | "Қайтар дунё" | Заргар |
| 2010 | "Ҳаёт жилғалари" | |
| 2011 | "Фидоийлар" | Ёқуб Азизов |
| 2015,2017 | "Меҳмонхона" |
Манбалар
- ↑ "Аҳмедов Ёқуб". Ўзбекистон миллий энсиклопедияси. Тошкент: Ўзбекистон миллий энсиклопедияси. 2000-2005.
- ↑ Раҳимова, Феруза „Клара ЖАЛИЛОВА: Тақдиримдан миннатдорман…“. Қаралди: 15.04.23.
- ↑ Андоза:Ёутубе2
- ↑ „Ёқуб Аҳмедов вафот этди“. Қаралди: 2025-йил 30-октябр.
- 3-yanvarda tugʻilganlar
- 1938-yilda tugʻilganlar
- Namanganda tugʻilganlar
- 2025-yilda vafot etganlar
- 30-oktyabrda vafot etganlar
- Toshkentda vafot etganlar
- Fidokorona xizmatlari uchun ordeni sohiblari
- Doʻstlik ordeni sohiblari
- SSSR xalq artistlari
- O‘zbekiston SSR xalq artistlari
- SSSR Davlat mukofoti laureatlari
- Sovet erkak aktyorlari
- Toshkent sanʼat instituti bitiruvchilari
- Dublyaj ustalari
- Oʻzbekistonlik dublyaj ustalari