Yorqishloq (Chust tumani)

Yorqishloq (ruscha: Яркишлак) – Oʻzbekiston Respublikasi Namangan viloyati Chust tumaniga qarashli shaharcha. 2009-yilda shaharcha maqomi berilgan.

Yorqishloq ruscha: Яркишлак
Shaharcha
41°02′28″N 71°14′45″E
Mamlakat	Oʻzbekiston
viloyat	Namangan viloyati
tuman	Chust tumani
Vaqt mintaqasi	UTC+5
Yorqishloq ruscha: Яркишлак

Yorqishloq qishlogʻi tarixi shu joyda yashagan aholi fikriga koʻra 450-yil oldin shakillangan degan tahmin mavjud, Qishloq aholisi asosan oʻzbeklar, aholining bu yerlarni oʻzlashtirishi 1550-1600-yillarda hozirgi Toshkent viloyati Parkent tumani Changi qishlogʻi aholisidan boʻlgan bir guruh odamlar shu yerlarga kelib yangi yerlarni oʻzlashtirib muqim yashab qolishgan degan fikrlar mavjud. Oʻsha davrda qishloq hududi jarlik va notekis yerlardan iborat boʻlgani shu atrofda yashovchi aholilar tomonidan "Jarli qishloq" ma'nosida "Jar qishloq" deb atalgan vaqt oʻtgani sayin "Jar" soʻzi "Yor" soʻziga oʻzgarib "Yorqishloq" deb atala boshlagan, deyiladi.

Yorqishloq hududi yerlari unumdor, sersuv hudud, aholi asosan dehqonchilik, bogʻdorchilik, chorvachilik, ipakchilik, ustachilik, savdogarlik bilan shugʻullangan. Yorqishloq hududida aholi tilida "Gʻoyib Eronlar" va "Shahid mozor" ziyoratgohi deb ataluvchi ziyoratgohlar mavjud. Qishloq hududidan soy oʻtgan boʻlib 1890-1930-yilar oraligʻida qishloqning yuqori qismida joylashgan Karkidon, Govasoy,Qoraqo'rg'on va Varzik qishlogʻi hududidan katta miqdorda suv sel boʻlib oqib kelishi natijasida, soy hududi kengayib jarliklarni hosil qilgan. Qishloq hududida oʻnga yaqin tabiiy buloqlar boʻlgan qishloq aholisi shu buloq suvlaridan isteʼmol uchun foydalanishgan.

Yorqishloq qishlogʻida Bahor faslida Navroʻz sayillari oʻtkaziladi aholi Navroʻz bayrami kuni turli Xalq oʻyinlari oʻtkazadi ulardan biri tuxumlar jangi, bunda ikki kishi yoki undan koʻproq odam turli xil rangda va koʻnishda pishirilgan tuxumlarni bir biriga asta urib koʻradi qaysi tuxum sinsa yoki dars ketsa oʻsha tuxum yutqaziladi, sinmagan tuxum egasi gʻolib hisoblanadi va singan yoki dars ketgan tuxumni qabul qilib oladi. Navroʻz bayramidan oldin qishloq aholisi tomonidan bir kun belgilaniladi oʻsha kuni qishloq hududida hashar yo'li bilan tozalov o'tkaziladi, buqa soʻyiladi va Xalqga dasturxon yozilib ehson dasturxoni tuzaladi qishloq oqsoqollari boshchiligida ezgu niyatlar va duolar qilinadi!

Hozirgi kunda Yorqishloq qishlogʻi Yorqishloq MFY deb yuritiladi unda Gʻoyib Eronlar Jome masjidi, 23-sonli o'rta maktab, Bolalar bogʻchasi, Oilaviy poliklinika va tez yordam xizmati, Oziq ovqat doʻkonlari, Oshxona, Tikuvchilik korxonasi, Dorixona, Oilaviy tadbirkorlik korxonalari faoliyat yuritmoqda.Qishloq infratuzilmasi yaxshi rivojlangan. O'zbektelecom tomonidan optik tolali internet va aloqa tarmog'i tortilib aholiga sifatli xizmat ko'rsatish yo'lga qo'yilgan.MFY hududida: Mustaqillik, Oʻzbegim, Navkar, Bogʻi Eram, Shijoat, Islohot, Barkamol avlod, Saramjon deb nomlangan koʻchalar bor.