Юлия Малинова, туғилган вақтдаги исми: Яковлевна Шайдер (булғорча: Юлия Малинова (Яковлевна Шнайдер)) (1869–1953) — болгариялик суфражист ва аёллар ҳуқуқлари фаоли. У Болгария Аёллар Иттифоқининг ҳаммуассиси бўлган ва икки марта унинг раиси лавозимида ишлаган: 1908–1910-йилларда ҳамда 1912-йилдан 1926-йилгача[1].

Юлия Малинова
Таваллуди
Яковлевна Счеидер

1869-йил
Вафоти 1953 (ёши 83–84)
Касби аёллар ҳуқуқлари фаоли
Машҳур ишлари Болгария Аёллар Иттифоқининг ҳаммуассиси
Турмуш ўртоғи Александер Малинов

Ҳаёти

Юлия Малинова 1869-йилда россиялик яҳудий оиласида туғилган. У Франсия ва Швейцарияда таҳсил олган, сўнгра динини ўзгартиргач, адвокат Александр Малинов (кейинчалик Болгария бош вазири)га турмушга чиққан ва Болгарияга кўчиб ўтган.

1899-йилдан у социалист Янко Саказовнинг турмуш ўртоғи, ўқитувчи, социалист ва ёзувчи Анна Карима билан бирга Женски глас („Аёл овози“) газетасини таҳрир қилган, 1901-йилда эса улар Болгария Аёллар Иттифоқига асос солишган, бунда биринчи раислиги лавозимини Карима эгаллаган. Ташкилот 1878-йилдан бери Болгарияда тузилган 27 та маҳаллий аёллар ташкилотларини бирлаштирган соябон ташкилот эди. У 1890-йилларда аёллар таълими ва олий ўқув юртларига кириш имкониятларининг чекланишига жавобан тузилган бўлиб, аёлларнинг интеллектуал ривожланиши ва ижтимоий ҳаётда иштирокини кенгайтириш мақсадида миллий қурултойлар ўтказган ва ўз нашри сифатида Женски гласдан фойдаланган[2].

1908-йилда у раис лавозимини эгаллаб, Болгария Аёллар Иттифоқини Халқаро Аёллар Кенгаши таркибига қўшди. Унинг раҳбарлиги даврида у иттифоқ сиёсатини барча ижтимоий қатламлар ва сиёсий эътиқод вакиллари учун очиқ жамият сифатида мустаҳкамлади ҳамда уруш пайтида аскарларнинг хотинларини бирлаштирди[2].

1925-йилда у болгариялик миллатчи аёллар томонидан келиб чиқиши чет эллик келиб бўлгани учун танқид остига олинди. У 1926-йилда раисликдан истеъфога чиқди ва унинг ўрнини Димитрана Иванова эгаллади. Юлия Малинова 1953-йилда вафот этди[2].

Манбалар

  1. ↑ Руиз, Бланcа Родригуэз; Рубио-Марíн, Рутҳ. Тҳе Струггле фор Фемале Суффраге ин Эуропе: Вотинг то Беcоме Cитизенс (эн). БРИЛЛ, 2012 — 325-бет. ИСБН 9789004224254. 
  2. ↑ 2,0 2,1 2,2 Ҳаан, Франcисcа де; Даскалова, Красимира; Лоутфи, Анна. Биограпҳиcал Диcтионарй оф Wомен'с Мовеменц анд Феминисмс ин Cентрал, Эастерн, анд Соутҳ Эастерн Эуропе: 19тҳ анд 20тҳ Cентуриэс (эн). Cентрал Эуропеан Университй Пресс, 2006 — 293–294-бет. ИСБН 9789637326394.