Yuriy Antonov
Юрий Михайлович Антонов (1945-йил 19-феврал, Тошкент, Ўзбекистон ССР, СССР) – совет ва рус бастакори, эстрада хонандаси, мусиқачи, шоир, кино ва овоз актёри. Россия Федерацияси халқ артисти (1997)[1][2], Чеченистон Республикаси халқ артисти (2016).
| Юрий Антонов | |
|---|---|
.jpg) | |
| Таваллуди |
1945-йил 19-феврал (78-ёш) Тошкент, О'збекистон ССР |
| Фуқаролиги |
 СССР,  Россия |
| Касби | композитор, шоир, қо'шиқчи, актёр, дублёр, |
| Фаолият йиллари | 1964-йилдан ҳозиргача |
Биографияси
Юрий Михайлович 1945-йил 19-февралда Тошкент шаҳрида таваллуд топган.
Отаси Михаил Василевич Антонов (1915–1989) Улуғ Ватан уруши йилларида денгиз аскарлари бригадасида офицер бўлиб хизмат қилган.
Онаси Наталя Михайловна Антонова (Литовченко) (1921–2008), украиналик, Полтава вилояти, Кременчуг шаҳрида яшаган.
Синглиси Жанна 1948-йилда Берлинда таваллуд топган[3].
Улуғ ватан уруши тугагандан сўнг, отаси Берлин ҳарбий маъмуриятида хизмат қилиш учун қолган.
Ижоди
ГДРдаги хизматини тугатгандан сўнг, Михаил Антонов ва унинг оиласи Белоруссияга кўчиб кетган ва у ерда турли ҳарбий гарнизонларда хизмат қилган.
Онаси Юрийни Молодечно мусиқа мактабига олиб келган, уни тугатгандан сўнг Молодечно мусиқа коллежига (ҳозирги М. К. Огинский номидаги Молодечно давлат мусиқа коллежи) халқ чолғулари бўлимига ўқишга кирган.
Юрий меҳнат фаолиятини 14 ёшида бошлаган. У Темир йўл депосида хор бошқарувчиси бўлиб ишлаган ва бунинг учун 60 рубл олган[4]. Талабалик йилларида маҳаллий маданият саройи ва уйида ўзининг биринчи мусиқий гуруҳини – эстрада оркестрини ташкил қилган.
1963-йилда мусиқа мактабини тугатгандан сўнг, Юрий Антонов ўша пайтда ота-онаси яшаган Минскдаги болалар мусиқа мактабида ўқитувчи бўлиб ишлай бошлаган. Кейин Беларус давлат филармониясида солист-инструменталист бўлиб фаолият олиб борган.
Юрий Михайлович 1964-йил ноябр ойида армияга чақирилиб, СССР Ички ишлар вазирлигининг ички қўшинларида автоматчи бўлиб хизмат қилган ва у ерда ҳаваскорларнинг чиқишларида қатнашган. Хизматдан сўнг ўзининг туғилган филармониясига қайтиб келган ва БССР халқ артисти Виктор Вуячичнинг „Тоника“ ансамблининг мусиқий раҳбари бўлиб ишлаган[5].
Антонов 1968-йилда Белоруссиянинг „Отчего ж нам пет“ филмида гитара чалиб рол ўйнаган. Ушбу Минск ижоди даврида Свердловскдан келган Владимир Мулявин бир мунча вақт Юрий Антонов гуруҳида гитарачи бўлган.
Манбалар
- ↑ Указ Президента Российской Федерации от 16 апреля 1997 года № 357 (Wайбаcк Мачине сайтида 2012-01-04 санасида архивланган)
- ↑ Болшая Российская энсиклопедия: В 30 т. / Председател науч.-ред. совета Ю. С. Осипов. Отв. ред С. Л. Кравес. Т. 2. Анкилоз – Банка. – М.: Болшая Российская энсиклопедия, 2005. – 766 с.: ил.: карт.
- ↑ Юрий Михайлович Антонов – биография (Wайбаcк Мачине сайтида 2023-06-21 санасида архивланган) // то-наме.ру
- ↑ [Юрий Антонов: „Жалет о чём-то глупо“] // „Имена“, 2009
- ↑ „Антонов, Юрий Михайлович“. ТАСС. Қаралди: 2021-йил 9-март.