Yustinian I

Юстиниан И (тахминан 482 ёхуд 483, Таурисий, Юқори Македония — 565.14.11, Константинопол) — Византия императори (527 йилдан). Императорнинг мутлақ ҳокимиятини ўрнатиш, қулдорликни мустаҳкамлашга қаратилган сиёсат юргизган. Ўрта табақа ер эгаларига ва қулдорларга таянган, православ черковидан кўмак излаган. Ю.1 нинг қонун чиқариш ва маъмурий ислоҳотлари Византия империясининг мустаҳкамланишига олиб келган. Ю.1 кенг миқёсда босқинчилик сиёсатини юргизган. Ю.1 даврида улкан қурилиш ишлари олиб борилган, Константинополда Авлиё София ибодатхонаси бунёд этилган.