Zamonshoh

Замоншоҳ - Афғонистон шоҳи (1793—1800). Аҳмадшоҳ Дуррониймант набираси, Темуршоҳнинг ўғли. 1796-йилда Ҳиндистоннинг ички ишларига аралашиб бобурийлардан Шоҳ Оламни маратҳалар қўлидан халос этиш учун Деҳлига қараб юрган. Бу ҳаракат Ҳиндистондаги инглизларни саросимага солиб қўйган. Замоншох Деҳлига етиб бормай, ўз пойтахти Кобулга қайтиб келганда халқ ғалаён кўтарган. Замоншох баракзои қабиласи бошлиғи Сарафрозхон ёрдамида тахтга чиққан эди, лекин 1799-йили у Сарафрозхонни қатл қилишга ҳукм қилган, бу билан тахтга даъвогар укаси Маҳмуд томонига ўтган барча баракзоиларни ўзига қарши қўйган. Сарафрозхоннинг ўғли, баракзоилар раҳбари Фатҳхон, Замоншоҳни қўлга тушириб, кўзини ўйиб олишни буюрган (1800); тахтга Маҳмудшоҳ ўтирган