Ziravor

Зиравор — таомларга лаззат киритадиган ва хушбўйлик берадиган, таомни минерал тузлар билан бойитувчи ўсимлик ёки кимёвий (органик ва минерал) қўшимчалар. Кўпгина зираворлар овқатга қўшимча лаззат бериш билан бирга таомнинг тўйимлилигини ҳам оширади. Ўзбек пазандачилигида кўп ишлатиладиган З.ларга қалампирмунчоқ, занжабил, кардамон, дафна япроғи, мурч, қалампир, зира, заъфарон, зарчава, седана, кашнич дони, ванил, туз, сирка, горчица (хантал), анор суви, лимон кислотаси ва ҳар хил соуслар киради. Шунингдек, сут, сметана, ёғ, тухум, зайтун меваси ва сабзи, петрушка, селдерей, пастернакнинг илдизлари, хушбўй ўтлар ва кўкатлар, пиёз, хрен (ерқалампир), саримсоқ каби озиқ-овқат маҳсулотлари ҳам 3. бўлиб хизмат қилади.