Ziyosfera

Zubayr al-Hasan

Zubayr al-Hasan tax. (30-mart 1950 – 18-mart 2014)[1][2] hindistonlik ulamo va Hindistondagi Tabligʻ jamoatining toʻrtinchi amiri edi[3][4][5].

Hayoti va faoliyati

Zubayr al-Hasan 1950-yil 30-martda hozirgi kunda Hindistonning Uttar-Pradesh shtatidagi Muzaffarnagar tumani tarkibiga kiruvchi Kandhla shaharchasida tugʻilgan. U Mazahir Ulum Saharanpurda tahsil olgan[1]. U mashhur ona tarafdan bobosi Shayx-ul-Hadis Mavlono Zakariyya Kandhlaviyning shogirdi, keyinchalik esa xalifasi (tasdiqlangan voris) boʻlgan. Bobosi ham mashhur musulmon yetakchisi boʻlib, Tabligʻ jamoatining dastlabki va umrboqiy qoʻllab-quvvatlovchilaridan edi. Zubayr 1971-yilda oʻqishini tamomlab, taʼlimini yakunlagan. Mavlono Zubayr har yili oʻtkaziladigan jahon yigʻinlarida, yaʼni Bishva Ijtemadagi, Dakha, Raivind va Bhopaldagi yakuniy duolarning bosh yetakchisi boʻlgan[1][3].

Sogʻligʻining yomonligi bois u koʻpincha nogironlar aravachasida koʻrinish bergan. U, avvalgi jamoat yetakchilari, jumladan otasi singari, katta yigʻinlar oldida uzoq maʼruzalar va nutqlari bilan emas, balki asosan yakuniy duolari bilan tanilgan edi[3].

U dastlab otasi Mavlono Inomul Hasan Kandhlaviy vafotidan soʻng Tabligʻ jamoati ishlarini boshqarish uchun saylangan ulamolar kengashi (Xalqaro Tabligʻ Shuro) aʼzosi boʻlgan. Uning vafotidan soʻng dafn marosimi Yangi Dehlidagi Nizomuddin Dargohi hududida boʻlib oʻtgan[3][2].

Vafoti, avlodlari va merosi

1969-yilda Mavlono Zubayr al-Hasan shahranpurlik Hofiz Ilyosning qizi Tohira Xotun bilan oila qurgan, u Zakariyya Kandhlaviyning kuyovlaridan biri edi. Er-xotinning uch oʻgʻil va uch qizi boʻlgan. Katta oʻgʻli, Hofiz Mavlono Zuhayr al-Hasan Kandhlaviy Tabligʻ harakatining taniqli muhokamachisi (muzokarachisi)ga aylangan. Xabarlarga koʻra, Zubayr qand kasalligiga chalingan va ancha vaqtdan beri sogʻligʻi yaxshi emas edi. Yangi Dehli politsiyasi bahosiga koʻra, uning janozasida qariyb 200 000 kishi ishtirok etgan[3][2][1].

Dehli Jome masjidining shoh imomi Mavlono Sayyid Ahmad Buxoriy taʼziyanomasida Tabligʻ jamoatining marhum katta aʼzosi, Mavlono Zubayr al-Hasan jamiyat manfaati yoʻlida xizmat qilgan muhim musulmon yetakchisi boʻlganini aytgan. „U butun hayoti davomida siyosatdan yiroq boʻlib, faqat diniy masalalar bilan shugʻullandi“ deya tariflagan[1][3].

Manbalar

  1. ↑ 1,0 1,1 1,2 1,3 1,4 Tablighi Jamaat Ameer dies, thousands turn up for his funeral procession at Nizamuddin The Indian Express (newspaper), Published 19 March 2014, Retrieved 27 February 2020
  2. ↑ 2,0 2,1 2,2 Maulana Zubair-ul-Hasan passed away The Siasat Daily (newspaper), Published 19 March 2014, Retrieved 27 February 2020
  3. ↑ 3,0 3,1 3,2 3,3 3,4 3,5 Maulana Zubair ul Hassanʼs obituary and profile on TwoCircles.net website, Published 21 March 2014, Retrieved 27 February 2020
  4. ↑ MOHD.ZAKIRULLAH, FIRDAUSI. Political Ideology of Abul Ala Maududi, 12 September 2014 — 79-bet. ISBN 9781312489127. Qaraldi: 2020-yil 3-mart. 
  5. ↑ Maulana Zubair Ul Hassan Kandhalwi by Maulana Shahid Saharanpuri.  


"https://new.ziyosfera.uz/ziyo/Zubayr_al-Hasan" dan olindi