Aleksandr Plexanov
Александр Михайлович Плеханов (1931-йил 16-октябр, СССР, Омск вилояти, Китайли қишлоғи – 2022-йил 13-январ[1][2]) – совет ва рус контрразведкачиси ва тарихчиси. СССР КГБ фахрийси, истеъфодаги полковник. Тарих фанлари доктори, ФСБ академиясининг профессори. Хавфсизлик идоралари тарихи, давлат чегарасининг хавфсизлиги ва ҳимояси ҳамда казаклар ҳақидаги монографиялар муаллифи.
| Александр Михайлович Плеханов | |
|---|---|
| Таваллуди |
16-октябр 1931-йил Омск вилояти, СССР |
| Вафоти |
13-январ 2022-йил (90 ёшда) |
| Фуқаролиги |
 СССР →  Россия |
| Соҳаси | тарихчи |
Ҳаёти
Александр Михайлович Плеханов 1931-йил 16-октябрда Омск вилоятининг Китайли қишлоғида туғилган.
1950-йилда Ички Ишлар Вазирлигининг Тошкентдаги Суворов ҳарбий билим юртида, С.М.Киров номидаги Ички Ишлар Вазирлигининг Оржоникидзе ҳарбий билим юртида таълим олган ва меҳнат фаолиятини олиб борган[3]. Шунингдек, Ленинград университетининг тарих факултети тамомлаган. 1993-йилда „1921–1925-йиллардаги Чека-ОГПУ фаолияти“ мавзусида тарих фанлари доктори илмий даражасини олиш учун номзодлик диссертациясини ҳимоя қилган[4].
У ҳарбий мактабларда офицер-ўқитувчи, ўқитувчи, катта ўқитувчи бўлиб ишлаган. СССР Давлат хавфсизлик қўмитаси Олий мактабида ва Россия Федерацияси федерал чегара хизмати тарихий тадқиқот марказида доцент бўлган.
Александр Михайлович Плеханов Халқаро ахборотлаштириш академиясининг ҳақиқий аъзоси ҳисобланади.
У Россия махсус хизматлари тарихини ўрганиш жамиятининг ва „Лубянкадаги тарихий ўқишлар“ конференсиясининг асосчиларидан бири бўлган.
Александр Михайлович Плеханов 2022-йил 13-январда вафот этган.
Мукофотлари
Александр Михайлович Плеханов ўн бешта ҳукумат мукофотларига сазовор бўлган ва ИИ даражали „Контрразведка хизмати учун“ кўкрак нишони билан тақдирланган. У 2012-йилда Андрей Плеханов билан биргаликда „Бадиий адабиёт ва журналистика“ номинациясида „Россия чегарасида алоҳида чегара қўриқлаш корпуси (1893—1919)“ илмий-оммабоп нашри учун Россия ФСБ мукофоти билан тақдирланган.
Адабиётлар
- Сушко А. Создаётся впечатление что мы воспитываем молодое поколение не помнящее родства // Омский научный вестник. Серия «Общество. История. Современность». 2018. — № 1. — С. 7—11.
Манбалар
- ↑ „Скончался известный историк спецслужб, уроженец Омской области Александр Плеханов“. 2022-йил 14-январда асл нусхадан архивланган. Қаралди: 2022-йил 14-январ.
- ↑ „13 января на 91 году жизни скончался советский и российский контрразведчик“. 2022-йил 14-январда асл нусхадан архивланган. Қаралди: 2022-йил 14-январ.
- ↑ „ЛЕНИНГРАДСКОЕ (КУТАИССКОЕ) И ТАШКЕНТСКОЕ СУВОРОВСКИЕ ВОЕННЫЕ УЧИЛИЩА.“. www.кадет.ру. Қаралди: 18-ноябр 2023-йил.
- ↑ Плеханов, Александр Михайлович. Деятелност ВЧК-ОГПУ в первой половине двадсатих годов, 1921—1925 гг. : дисс. … д-ра ист. наук : 07.00.02. – Москва, 1993. – 386 с.